ސްޓެލްކޯގެ ޗެއަރމަންކަމަށް އަޙްމަދު އައިމަން ޢައްޔަން ކުރައްވައިފ

ސްޓެލްކޯގެ ޗެއަރމަންކަމުގެ މަޤާމަށް ގދ. ފަރެސްމާތޮޑާ އުދަރެސް އަޙްމަދު އައިމަން، ޕްރައިވެޓައިޒޭޝަން ބޯޑުން މިއަދު ޢައްޔަން ކުރައްވައިފިއެވެ.

އަޙްމަދު އައިމަން މިހާތަނަށް ހުންނެވީ ފިނޭންސް މިނިސްޓްރީގެ ޑިރެކްޓަރގެ މަޤާމުގައެވެ.

tw:https://twitter.com/nixaar/status/781432890902978560

ޕްރައިވެޓޭޒޭޝަން ބޯޑުގެ ރައީސް މުޙައްމަދު ނިޒާރު މިއަދު ކުރެއްވި ޓްވީޓެއްގައި ވިދާޅުވެފައިވަނީ، ސްޓެލްކޯގެ ޗެއަމަންގެ އިތުރުން މޯލްޑިވްސް ރޯޑް ޑިވޮލޮޕްމަންޓް ކޯޕަރޭޝަން، އެމް.އާރު.ޑީ.ސީގެ ޗެއަރމަންކަމުގެ މަގާމަށްވެސް ބޭފުޅަކު މިއަދު ޢައްޔަން ކުރައްވާފައިވާކަމަށެވެ. އެ މަޤާމަށް ޢައްޔަންކުރައްވާފައިވަނީ އައިލެންޑް އޭވިއޭޝަންގެ ބޯރޑު މެމްބަރެއްގެ ގޮތުގައި ހުންނެވި އައްޑޫސީޓީ ހިތަދޫ ބްލޫވިލާ މުޙައްމަދު ލަތީފެވެ.

tw:https://twitter.com/nixaar/status/781434581324959744

 އެމް.އާރު.ޑީ.ސީގެ ޗެއަރމަންގެ އިތުރުން އެކޯޕަރޭޝަނުގެ ޑިރެކްޓަރެއްގެ މަޤާމަށް ހ.ފާލަންދޮށުގޭ މުޙައްމަދު ޙުޝާމްވެސް ވަނީ ޢައްޔަންކުރައްވާފައެވެ.

tw:https://twitter.com/nixaar/status/781437449620770816

މީގެ އިތުރުން ފެނަކަ ކޯޕަރޭޝަނުގެ ޑިރެކްޓަރުންގެ ގޮތުގައިވެސް ދެބޭފުޅަކު މިއަދު ޢައްޔަންކުރައްވާފައިވެއެވެ. ފެނަކައިގެ ޑިރެކްޓަރުންގެ ގޮތުގައި ޢައްޔަންކުރެއްވީ، ނ. ފޮއްދޫ ޔާގޫތުގޭ ޙުސައިން ޝާމް އާދަމް އަދި، މއ. މެޑަލިންގ ޢާއިޝަތު އަމަނީ އިބްރާހީމްއެވެ.