ސްރީލަންކާގެ ގައުމީ ކްރިކެޓް ކޯޗުކަމުން ސަނަތު ޖަޔަސޫރިޔާ އިސްތިއުފާ ދީފި އެވެ.
ކޮންޓްރެކްޓް ހަމަވުމުގެ ހަތަރު މަސް ކުރިން އޭނާ އިސްތިއުފާ ދިނީ އަމިއްލަ ގައުމުގައި ބޭއްވި ޓުވެންޓީ20 ކްރިކެޓް މުބާރާތުގެ ސެމީ ފައިނަލަށް ނުގޮސް ލަންކާ ކެޓުމުންނެވެ. މުބާރާތުގެ ގަދަ އަށެއްގައި ލަންކާ ކުޅުނު ތިން މެޗުން ވެސް ވީ ބައްޔެވެ.
ލަންކާގެ ކޯޗުކަމާ ވަގުތީ ގޮތުން ކުރީގެ ކެޕްޓަން އަދި އެއްވަނަ ބެޓްސްމަން ހަވާލުވީ 2024 ވަނަ އަހަރު އެވެ.
އިސްތިއުފާ ދިނުމަށްފަހު ޖަޔަސޫރިޔާ ބުނީ އޭނާގެ ނިންމުން ލަންކާގެ ކްރިކެޓް ބޯޑަށް އެއްގޮތަކަށް ވެސް ނޭނގޭނެ ކަމަށެވެ.
"އެމީހުން ހިޔެއް ނުކުރާނެ އަހަރެން މިހެން ބުނެފާނެ ކަމަށް. އެކަމަކު އަހަރެން ދެކޭ ގޮތުގައި މިއީ އަހަރެން މި މަގާމު އެހެން މީހަކާ ހަވާލު ކުރަންވީ ވަގުތު. ނަމަވެސް އަހަރެން ލަންކާ ފެޑަރޭޝަނުން ބޭނުންވާނަމަ މަޝްވަރާ ކުރާނަން،" ޖަޔަސޫރިޔާ ބުންޏެވެ.
ކޮރަޕްޝަނުގެ ބޮޑު އަޑިގަނޑަކަށް ފަހު ލަންކާގެ ކްރިކެޓް ބޯޑު ސަސްޕެންޑްވުން ފަދަ އެތައް ކަމެއް ދިމާވެ ގައުމީ ޓީމުގެ މެޗުތައް ކުޅުން ވެސް ހުއްޓާލަން ޖެހުނު އަހަރެއްހާ ދުވަހަށް ފަހު ޖަޔަސޫރިޔާ ބުނީ އޭނާގެ ކޯޗުކަމުގައި ލަންކާ އަށް ކުރިއެރުންތަކެއް ހޯދައިދެވިއްޖެ ކަމަށް ގަބޫލު ކުރާ ކަމަށެވެ.
"އެއް ދުވަހުގެ މެޗުތަކުގައި ހަތަރު ވަނަ ހޯދައިދެވިއްޖެ. ޓުވެންޓީ20ގައި ހަ ވަނަ ހޯދައި ދެވިއްޖެ. އަދި ޓެސްޓް ކްރިކެޓްގައި ފަސް ވަނަ ހޯދައިދެވިއްޖެ. އެހެންވީމާ މިހުރީ ކުރިއެރުން. ދެން އޮތް ގޮތަކީ ރަނގަޅު ގޮތުގައި އެހެން މީހަކަށް މަގާމު ދިނުން. އަހަރެން ދެކޭ ގޮތުގައި ލަންކާ އިތުރަށް ކުރިއަރާނީ ބޯލިން އާއި ބެޓިން ޔުނިޓްތައް ވަރަށް ބޮޑަށް ވަރުގަދަ ކޮށްގެން،" ޖަޔަސޫރިޔާ ބުންޏެވެ.
އޭނާ ކޯޗުކަމުން އިސްތިއުފާ ދިންއިރު އަންނަ ހަފުތާގައި ލަންކާގެ މުހިންމު މެޗުތަކެއް ވެސް އެބައޮތެވެ. މިހެންވެ އައު ކޯޗަކު ހަމަޖެހެންދެން ކޯޗުކަމުގައި ހުރެދިނުމަށް ލަންކާ ކްރިކެޓް ބޯޑުން އޭނާ ގާތުގައި އެހުމަކީ ވަރަށް ގާތް ކަމެކެވެ.