ދެކިލޯގެ މަސްތުވާތަކެތި އެތެރެކުރަން އުޅުނު 3 މީހުން ހައްޔަރުކޮށްފި
-
ރަންޖިނި ޖީވަނަންތަންއާއި ލޫޠު 15 ދުވަހަށް ބަންދުކުރަން އަމުރުކޮށްފަވޭ
-
އަޙްމަދު ރިޝްމާހް 5 ދުވަހަށް ބަންދުކުރުމަށް އަމުރުކޮށްފަވޭ
ދެ ކިލޯ އަށްވުރެ ގިނަ މަސްތުވާތަކެތި ވައިގެ މަގުން އެތެރެކުރަން އުޅުނު 3 މީހުން ހައްޔަރުކޮށްފިއެވެ.
ދިވެހި ފުލުހުންގެ ޚިދުމަތުން ވިދާޅުވީ، މި މައްސަލައާ ގުޅިގެން ހައްޔަރުކޮށްފައިވަނީ ރަންޖިނި ޖީވަނަންތަން، މެލޭޝިއާ (38އ) އާއި، ގދ. ވާދޫ / ފުރުސަތު، ލޫޠު އިބްރާހީމް (29އ) އާއި، ގއ. ދާންދޫ / ސަންލައިޓްވިލާ، އަޙްމަދު ރިޝްމާހް (21އ) ކަމަށެވެ.
މި މީހުން ހައްޔަރުކުރީ، މިދިޔަ މަހުގެ 28 ވަނަ ދުވަހުއެވެ. ފުލުހުން ވިދާޅުވީ، މި ތިން މީހުންގެ ތެރެއިން ރަންޖިނި ޖީވަނަންތަން ހައްޔަރުކުރީ ވެލާނާ އިންޓަނޭޝަނަލް އެއާޕޯޓުން ކަމަށާއި، ލޫޠު އިބްރާހީމާއި އަޙްމަދު ރިޝްމާހް ހައްޔަރުކުރީ މާލެއިން ކަމަށެވެ.
މި މައްސަލައާ ގުޅިގެން ހައްޔަރުކުރި މީހުންގެ ބަންދާމެދު ގޮތެއް ނިންމުމަށް ކޯޓަށް ހާޒިރު ކުރުމުން ރަންޖިނި ޖީވަނަންތަންއާއި، ލޫޠު އިބްރާހީމް 15 ދުވަަހަށް އަދި އަޙްމަދު ރިޝްމާހް 5 ދުވަހަށް ބަންދު ކުރުމަށް އަމުރުކޮށްފައިވާ ކަމަށް ފުލުހުންގެ ވިދާޅުވެއެވެ.
ފުލުހުން ދަނީ، މި މައްސަލަ އިތުރަށް ތަޙުޤީޤު ކުރަމުންނެވެ.