ފައިލް ފޮޓޯ: އައްޑޫ ލިންކްރޯޑުގައި ދެ ސައިކަލް ޖެހި ހިނގި އެކްސިޑެންޓެއްގެ ތެރެއިން
އައްޑޫ ސިޓީ ފޭދޫގައި ހިނގި ނުރައްކާތެރި އެކްސިޑެންޓެއްގައި އަންހެނަކު މަރުވެއްޖެއެވެ.
ފުލުހުން ވިދާޅުވީ މިއަދު ހެނދުނު ދިހައެއްޖަހާ އެހާކަންހާއިރު ހިނގި މިއެކްސިޑެންޓް ހިނގަން މެދުވެރިވީ ފޭދޫ ބޮޑު މަގުގައި ހުރި ރެސްޓޯރަންޓެއްގެ ކައިރިން ސައިކަލް އަނބުރާލަނިކޮށް، ފަހަތުން އައި ސައިކަލެއް ޖެހިގެންކަމަށެވެ. އަދި އެކްސިޑެންޓުގައި މަރުވި އަންހެން މީހާ މަރުވެފައިވަނީ ހިތަދޫ ރީޖަނަލް ހޮސްޕިޓަލަށް ގެންގޮސް ފަރުވާދެމުން ދަނިކޮށްކަމަށް ފުލުހުން ވިދާޅުވެއެވެ.
ފުލުހުން ވިދާޅުވީ މިމައްސަލަ އިތުރަށް ތަހްޤީޤް ކުރަމުންދާކަމަށެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ