ފެމިލީ ކޯޓުން އަންނަ އަހަރު ކައިވެނި ކޮށްދޭނެ ގަޑިތައް އާންމުކޮށްފި

އަންނަ އަހަރުގެ ހުރިހާ ދުވަހެއްގައި ފެމިލީ ކޯޓުން ކައިވެނިކޮށްދިނުމަށް ހަމަޖައްސައި، ކައިވެނި ކޮށްދޭނެ ގަޑިތައް އެ ކޯޓުން އާންމުކޮށްފިއެވެ.

ރަސްމީ ދުވަސްތަކާއި ހުކުރު ހޮނިހިރު ފިޔަވައި ބަންދު ދުވަސްތަކުގައި ފެމިލީ ކޯޓުން ކައިވެނި ކޮށްދިނުމަށް ހަމަޖެހިފައިވަނީ ހެނދުނު 9:00 އިން 11:30އަށެވެ. އަދި މެންދުރު 1 އިން 1:30އަށެވެ. އަދި ހަވީރު 3:00 އިން ރޭގަނޑު 9:30އާ ހަމައަށް ކައިވެނި ކޮށްދިނުމަށް ހަމަޖެހިފައިވެއެވެ.

ކޯޓުން ބޭރުގައި ކައިވެނި ކޮށްދޭން ހަމަޖެހިފައިވާ ގަޑިތައްވެސް ފެމިލީ ކޯޓުން ވަނީ އިއުލާނުކޮށްފައެވެ. އެގޮތުން އަންނަ އަހަރު ކޯޓުން ބޭރުގައި ކައިވެނި ކޮށްދޭން ހަމަޖެހިފައިވަނީ، ހަވީރު 3:00އިން ރޭގަނޑު 9:30އާ ދެމެދުގައެވެ.

މީގެއިތުރުން އެ ކޯޓުން ވަނީ، ހަފްތާ ބަންދުގައިވެސް ކައިވެނިކޮށްދޭ ގަޑިތައް އާންމުކޮށްފައެވެ. ހުކުރު ދުވަހު ކައިވެނި ކޮށްދިނުމަށް ހަމަޖެހިފައިވަނީ، ހަވީރު 3:00އިން ރޭގަނޑު 9:30އަށެވެ.

އަދި ހޮނިހިރު ދުވަހު ކައިވެނި ކޮށްދިނުމަށް ހަމަޖެހިފައިވަނީ، ހެނދުނު 10:00 އިން ރޭގަނޑު 9:00އަށެވެ.

ފެމިލީ ކޯޓުން ވިދާޅުވީ، ރިސޯޓު ނުވަތަ ސަފާރީ ފަދަ ތަންތަނުގައި ކައިވެނިކޮށްދޭ ގަޑިތައް، އެކަަމަށް އެދި ހުށަހެޅުމުން ކޯޓުގެ ވަގުތުތަކާއި ހުށަހަޅާ ފަރާތްތަކުގެ ވަގުތުތަކަށް ރިޢާޔަތްކޮށް ހަމަޖައްސާނެ ކަމަށެވެ.

އަދި އަންނަ އަހަރުގެ ރަމަޟާން މަހާއި، ޝައްވާލު މަހުގެ ފުރަތަމަ 7 ދުވަހު ކައިވެނި ކޮށްދޭނެ ގަޑިތައް ކޯޓުން ފަހުން އިއުލާނު ކުރާނެ ކަމަށްވެސް ވިދާޅުވިއެވެ.