ޚަބަރު

ހައިވޭގައި ނުރައްކާތެރި އެކްސިޑެންޓެއް، 2 މީހަކަށް ހޮސްޕިޓަލުގައި ފަރުވާދެނީ


  • މިއެކްސިޑެންޓު ހިނގާފައިވަނީ ސައިކަލަކާއި ޕިކަޕެއް ޖެހިގެން

  • އެކްސިޑެންޓުގައި އަނިޔާވި ދެމީހުންނަށް އައިޖީއެޗްގައި ދަނީ ފަރުވާދެމުން

ހައިވޭގައި ހިނގި އެކްސިޑެންޓެއްގައި އަނިޔާ ލިބުނު 2 މީހަކަށް އައިޖީއެމްއެޗްގައި ފަރުވާދޭން ފަށައިފިއެވެ.

ދިވެހި ފުލުހުންގެ ޚިދުމަތުން ވިދާޅުވީ، ހައިވޭއިން ހުޅުމާލެއަށްދާ ލޭން ނިމޭ ހިސާބުގައި ސައިކަލަކާއި ޕިކަޕެއް ޖެހިގެން އެކްސިޑެންޓެއް ހިނގަފައިވާކަމުގެ މަޢުލޫމާތު މިއަދު ހެނދުނު 9 ޖެހިއިރު ފުލުހުންނަށް ލިބިފައިވާކަމަށެވެ. މިއެކްސިޑެންޓުގައި އަނިޔާވެފައިވަނީ ސައިކަލު ދުއްވަންއިން ޢުމުރުން 28 އަހަރުގެ ދިވެހި ފިރިހެނަކާއި ސައިކަލުގެ ފަހަތުގައި އިން 22 އަހަރުގެ އަންހެނަކަށްކަމަށް ފުލުހުން ވިދާޅުވެއެވެ.

މިދެމީހުންނަށްވެސް އައިޖީއެމްއެޗްގައި ދަނީ ފަރުވާދެމުންނެވެ. އަނިޔާ ލިބުނު ފިރިހެން މީހާގެ ކަނައަތު ކޮނޑުހުޅު ނެއްޓި އޭނާއަށް އެކިވަރުގެ އަނިޔާވެފައިވެއެވެ. އަންހެން މީހާގެ ގައިގެ އެކި ތަންތަން މަށައިގެންގޮސް އެކިވަރުގެ އަނިޔާ ވަނީ ވެފައެވެ.

މިހާދިސާ ފުލުހުންދަނީ ތަޙުގީގުކުރަމުންނެވެ.