އިސްލާމިކް ސޮލިޑާރިޓީ ގޭމްސް: ދިވެހި ފެތުންތެރިންނަށް އުނދަގޫ ފެށުމެއް

ސަޢުދީ ޢަރަބިއްޔާގެ ރިޔާޟްގައި ކުރިއަށްދާ ހަވަނަ އިސްލާމިކް ސޮލިޑާރިޓީ ގޭމްސްގައި ރާއްޖޭގެ ސްވިމިންގ ޓީމުން ފުރަތަމަ ދުވަހުުގެ އިވެންޓުތައް ނިންމާލައިފިއެވެ. މިގޮތުން ދިވެހި ފެތުންތެރިން ވަނީ މިއަަދު 9 އިވެންޓެއްގައި ފަތާފައެވެ.

އަންހެނުންގެ 50 މީޓަރު ބަޓަފްލައިގައި ވާދަކޮށް މަލައިކާ ލިންޑަރ އިމްރާން ވަނީ 35.34 ސިކުންތުން ރޭސް ފުރިހަމަކޮށްފައެވެ. މިހީޓްގައި 6 ފެތުންތެރިން ވަނީ ވާދަކޮށްފައެވެ.
50 މީޓަރުގެ ބަޓަރފްލައި ރެކޯޑް އޮންނަނީ އަމްނާ ތަޒްކިޔާގެ އަތުގައެވެ. އެއީ 31.49 ސިކުންތުން ރޭސް ނިންމައިގެންނެވެ.

ފިރިހެން 100 މީޓަރު ބްރެސްޓްސްޓޮރޯކްގައި ވާދަކޮށް ލޫތު މުޙައްމަދު ހުސެއިން ވަނީ 1 މިނެޓް 13.58 ސިކުންތުން ރޭސް ނިންމާފައެވެ. މިހީޓްގައި 7 ފެތުންތެރިން ވާދަކޮށްފައިވެއެވެ. 100 މީޓަރު ޤައުމީ ރެކޯޑް އޮންނަނީ ޢަލީ އިމްއާން އަތުގައެވެ. އިމްއާން މިރެކޯޑް ހަދާފައިވަނީ 13 ވަނަ އޭޝިއަން ގޭމްސްގައި 1 މިނެޓު 04.51 ސިކުންތުން ރޭސްނިންމައިގެންނެވެ.

ފިރިހެން 100 މީޓަރު ބްރެސްޓްސްޓޮރޯކްގައި ވާދަކޮށް އިޒްޔާން ނާޒިމް ރޭސް ނިންމަފައިވަނީ 1 މިނެޓް 17.30 ސިކުންތުންނެވެ. ފިރިހެނުންގެ 100 މީޓަރު ބްރެސްޓްސްޓޮރޯކްގެ ގައުމީ ރެކޯޑް އޮންނަނީ ޢަލީ އިމްމާންގެ އަތުގައެވެ. އެއީ 19ވަނަ އޭޝިއަން ގޭމްސްގައި ވާދަކޮށް 1 މިނެޓް 05:51 ސިކުންތުން ރޭސް ނިންމައިގެންނެވެ.

އަންހެނުންގެ 50 މީޓަރު ފްރީ ސްޓައިލްގައި ވާދަކޮށް ސާރާ މުޙައްމަދު ހީޓް ނިންމާފައިވަނީ 30.32 ސިކުންތުންނެވެ. މިހީޓްގައި 6 ފެތުންތެރިން ވާދަކޮށްފައިވެއެވެ. މިވެންޓުގެ ރެކޯޑް ޢާއިޝަތު އުލްޔާ ހަދައިފައިވަނީ މިއަހަރު ހެނޮކްގައި އޮތް މުބާރާތުގައި 28:41 ރޭސް ނިންމައިގެންނެވެ.

އަންހެނުންގެ 50 މީޓަރު ފްރީސްޓައިލްގައި ވާދަކޮށް ޒައިނަބު ޢަބްދުﷲ ޝަފީގް ރޭސް ނިންމައިފައިވަނީ 30.05 ސިކުންތުންނެވެ.

ފިރިހެނުންގެ 50 މީޓަރު ފްރީސްޓައިލްގައި ވާދަކޮށް އިޒްޔާން ނާޒިމް ރޭސްނިންމައިފައިވަނީ 27.08 ސިކުންތުންނެވެ. 50 މީޓަރު ފްރީސްޓައިލްގެ ގައުމީ ރެކޯޑް އޮންނަނީ މުޙައްމަދު އާން ހުސެއިންގެ އަތުގައެވެ. އެއީ ޕެރިސްގައި ކުރިއަށްދިޔަ ޕެރިސް އޮލިމްޕިކްސްގައި ވާދަކޮށް 24.22 ސިކުންތުން ރޭސް ނިންމައިގެންނެވެ.

ފިރިހެނުންގެ 400 މީޓަރު އިންޑިވިޖުއަލް ހީޓްގައި ވާދަކޮށް މުޙައްމަދު ރިހާން ޝިހާމް ރޭސް ނިންމައިފައިވަނީ 5 މިނެޓް 21.74 ސިކުންތުންނެވެ.

ފިރހެނުންގެ 400 މީޓަރު މިޑްރޭ ރިލޭގައި ވާދަކޮށް މުޙައްމަދު އަޔާދިން ނިޔާޒުއެވެ. އޭނާ ރޭސް ނިންމާފައިވަނީ 5 މިނެޓް 54.05 ސިކުންތުންނެވެ.

މިކްސް 4 ގުނަ 100 މީޓަރު ފްރީ ސްޓައިލްގައި ވާދަކޮށް ރާއްޖޭގެ ޓީމުން ރޭސް ނިންމައިފައިވަނީ 4 މިނެޓް 21.14 ސިކުންތުންނެވެ.

މި މުބާރާތުގައި ދިވެހި ޓީމުގެ އިވެންޓުތައް މާދަމާވެސް ކުރިއަށްދާނެއެވެ.