ޚަބަރު
61 މީހުންނާއެކު ފަޅަށް އެރި ދިއްދޫ ބޯޓު ފުންކޮށްފި
-
ފުންކުރީ ދެ އުޅަނދެއްގައި ކަފުޖަހައިގެން މިއަދު 9:35 ކަންހާއިރު
-
އެއްވެސް މީހަކަށް އަދި ބޯޓަށް ވެސް ގެއްލުމެއް ލިބިފައިނުވޭ
ފަޅަށް އެރި ދިއްދޫ މެގަ ހޯރަ ބޯޓު / ފޮޓޯ: އެމްއެންޑީއެފް
61 މީހުންނާއެކު ފަޅަށް އެރި ދިއްދޫ "މެގަ ހޯރަ" ބޯޓު ފުންކޮށްފިއެވެ.
ދިވެހިރާއްޖޭގެ ޤައުމީ ދިފާޢީ ބާރުން ވިދާޅުވީ ދިޔަވަރު ބޮޑުވުމުން، "މެގަ ހޯރަ" ބޯޓު، އެހެން ދެ އުޅަނދެއްގައި ކަފު ޖަހައިގެން މިއަދު 9:35 ކަންހާއިރު ފުންކޮށްފައިވާ ކަމަށެވެ. މި ހާދިސާގައި އެ ބޯޓުން ދަތުރުކުރި އެއްވެސް މީހަކަށް އަދި ބޯޓަށް ވެސް ގެއްލުމެއް ލިބިފައިނުވާކަމަށް ޤައުމީ ދިފާޢީ ބާރުން ވިދާޅުވިއެވެ.
މަޢުލޫމާތު ލިބޭ ގޮތުގައި "މެގަ ހޯރަ ބޯޓު" ފަރަށް އެރީ ރޭ 11:00 ޖަހާކަންހާއިރު ނ. ހޮޅުދޫ ކައިރި އޮންނަ އެ އަތޮޅު, ވަވަތިކުރޮޅިއަށެވެ. އެ ބޯޓު ފަރަށް އެރީ މާލެއިން ވަރަށް ގިނަ އަދަދެއްގެ މުދާ ބަރުކޮށްގެން ދިއްދުއަށް ދަތުރުކުރަމުން ދަނިކޮށްކަމަށް މަޢުލޫމާތު ލިބެއެވެ.