ޓްރާންސްފާ ބާޒާރު ބަންދުވުމުގެ ކުރިން އެސްޓަން ވިލާގެ އާޖެންޓީނާ ގޯލްކީޕަރު އެމެލިއާނޯ މާޓިނޭޒް ގަތުމަށް މެންޗެސްޓާ ޔުނައިޓެޑުން މަސައްކަތް ފަށައިފިއެވެ.
ޔުނައިޓެޑުން މީގެ ކުރިން މާޓިނޭޒް ގެނައުމަށް މަސައްކަތްކުރި އެވެ. އެކަން އެ ފަހަރު ކާމިޔާބު ނުވީ އެސްޓަން ވިލާއިން އޭނާ ދޫނުކުރުމުންނެވެ. މި ފަހަރު ޔުނައިޓެޑްގެ މާޓިނޭޒް ގަތުމަށް މަސައްކަތް ފެށީ ޓްރާންސްފާ މާކެޓުބަންދުވާއިރު އެކުލަބަށް ރަނގަޅު ކީޕަރަކު ނުލިބިދާނެހެން ހީވުމުންނެވެ. ޔުނައިޓެޑުން މިހާތަނަށް މަސައްކަތް ކުރީ ބެލްޖިއަމްގެ 23 އަހަރުގެ ކީޕަރު ސޭނޭލެމަންސް ގެނައުމަށެވެ.
ނަމަވެސް އެންމެ ފަހު ވަގުތު އޭނާގެ ކުލަބު ރޯޔަލް އެންޓުން އޭނާ ދޫނުކޮށްފާނެ ކަމަށް މިހާރު ވަނީ ބެލެވެން ފަށައިފަ އެވެ. މިހެންވެ މާޓިނޭޒް ގަތުމަށް މަސައްކަތް ފެށީ އެވެ.
އުމުރުން 32 އަހަރުގެ މާޓިނޭޒަކީ ދުނިޔޭގެ އެންމެ މޮޅު ކީޕަރުގެ މަގާމު ދެ ފަހަރު ހޯދާފައިވާ ކީޕަރެކެވެ. އޭނާ ވަނީ 2022 ވަނަ އަހަރުގެ ވޯލްޑްކަޕާއި 2021 އަދި ހުސްވި އަހަރުގެ ކޮޕާ އެމެރިކާ ފުޓްބޯޅަ މުބާރާތުގެ އެންމެ މޮޅު ގޯލްކީޕަރުގެ މަގާމު ވެސް ހޯދައިފަ އެވެ. މި ސީޒަން ފެށުމުގެ ކުރިން އެސްޓަންވިލާ ދޫކޮށް އެހެން ކުލަބަކަށްމާޓިނޭޒް ބަދަލުވާނެ ކަމަށް މީޑިއާތަކުގައި ވަރަށް ބޮޑަށް ވާހަކަ ދެކެވުނެވެ.
ޔުނައިޓެޑުން މޮޅު ކީޕަރަކު ހޯދަން މަސައްކަތް ކުރަނީ އެ ކުލަބުގައި މިހާޜު ތިބި ކީޕަރުން ދައްކާ ގޯސް ކުޅުމުގެ ސަބަބުންނެވެ. ކެމަރޫނުގެގައުމީ ކީޕަރު އަންދްރޭ އޮނާނާއަކީ ޓީމުގައި މިވަގުތު ހުރި އެންމެ ސީނިއާ ގޯލްކީޕަރެވެ.
ނަމަވެސް ހުސްވި ސީޒަނުގައި އޭނާ ހެދި ގޯސްތަކާއެކު މި ސީޒަނުގައި ކޯޗު ރުމެބްއަމޮރިމް އޭނާ އަށް ފުރުސަތު ދެމުން ދަނީ ބެންޗުންނެވެ.