ކަނޑު ދަތުރުކުރާ ފަރާތްތަކުން މޫސުމަށް ސަމާލުވުމަށް އިލްތިމާސްކޮށްފި

ހުޅަނގު މޫސުމުގެ ބާރުގަދަވެ ކަނޑު ދަތުރުކުރާ ފަރާތްތަކުން މޫސުމަށް ސަމާލުވުމަށް ޤައުމީ ދިފާޢީ ބާރު، އެމްއެންޑީއެފުންނާއި ދިވެހި ފުލުހުންގެ ޚިދުމަތުން އިލްތިމާސްކުރައްވައިފިއެވެ.

ރާއްޖެ ސަރަހައްދުގައި ހުޅަނގު މޫސުމުގެ ބާރުގަދަވެ، ކުރިއަށް އޮތް ބުދަ ދުވަހާ ހަމައަށް މޫސުން ގޯސްވާނެކަމަށާއި، ޚާއްސަކޮށް މުޅި ރާއްޖެއަށް ވިއްސާރަވެ، އާންމު ގޮތެއްގައި ވައި ބާރުވެ ކަނޑުތައް ގަދަވާނެކަމަށް، މޫސުމާ ބެހޭ އިދާރާއިން ލަފާކޮށްފައި ވާތީ، ކަނޑުމަގުން ކޮންމެހެން ކުރަންޖެހޭ ދަތުރުތައް ފިޔަވައި އެހެން ދަތުރުތައް ނުކުރުމަށް އެމްއެންޑީއެފުން ވަނީ އިލްތިމާސްކުރައްވާފައެވެ.

އަދި ރޭގަނޑު ދަތުރު ނުކުރެއްވުމަށާއި، މޫސުން ތަންނުދޭ ނަމަ، މޫސުން ރަނގަޅު ވަންދެން ދަތުުރު ފަސްކޮށްލެއްވުމަށްށާއި މޫސުމާ ބެހޭ ގައުމީ އިދާރާއިން ރީނދޫ ނުވަތަ އޮރެންޖު ސަމާލު ނެރެފައިވަނިކޮށް ދަތުރުނުކުރުމަށްވެސް ވަނީ އިލްތިމާސްކުރައްވައިފައެވެ.

އެހެންކަމުން މިފަދަ ދަނޑިވަޅުތަކުގައި ކަނޑު ދަތުރުކުރާ ފަރާތްތަކުން އިތުރަށް ސަމާލުވެ، ރައްކާތެރިކަމުގެ ފިޔަވަޅުތައް އެޅުން މުހިންމެވެ.

ކަނޑު ދަތުރުކުރާ ފަރާތްތަކުން މޫސުމަށް ސަމާލުވުމަށް އިލްތިމާސްކުރަން.https://t.co/jkTXyXR0Ut pic.twitter.com/ImdXyCspbM

— Maldives National Defence Force (@MNDF_Official) August 4, 2025

ކަނޑު ދަތުރުކުރާ ކޮންމެ ފަރާތަކުންވެސް ދަތުރަށް ފެށުމުގެ ކުރިން މޫސުމާ ބެހޭ އެންމެ ފަހުގެ މައުލޫމާތު ހޯދައި، އެ މައުލޫމާތަށް ސަމާލުވުން ވަރަށް މުހިންމެވެ. މޫސުން ގޯސްވާނެކަމަށް ލަފާކުރެވޭނަމަ، ދަތުރުފެށުން ފަސްކުރުމަކީ ރަނގަޅު ގޮތެކެވެ. އަދި، ކަނޑު ގަދަ ދުވަސްތަކުގައި، ކުދި އުޅަނދުފަހަރުގައި ދަތުރުނުކުރުމަކީ ވަރަށް ނުރައްކާތެރި ކަމަކެވެ. އެގޮތުން އުޅަނދުގައި ހުންނަންޖެހޭ ސަލާމަތީ އާލާތްތައް ފުރިހަމައަށް ހުރިތޯ ބެލުމާއި، ލައިފް ޖެކެޓް ފަދަ ތަކެތި ލައިގެން ދަތުރުކުރުމަކީ މުހިންމު ކަމެކެވެ.

ކަނޑު ދަތުރުކުރާއިރު، މޫސުން ގޯސްވެއްޖެނަމަ، ނުރައްކާތެރި އެކިއެކި ހާދިސާތައް ހިނގުމުގެ ފުރުޞަތު ބޮޑުވެއެވެ. މިސާލަކަށް، އުޅަނދު ފަރަށް އެރުން، ފަޅުން ނުކުމެވޭގޮތް ނުވުން، ނުވަތަ އުޅަނދު އަޑިއަށް ދިއުން ފަދަ ކަންކަން ހިނގައިފާނެއެވެ. މިފަދަ ހާލަތްތަކަށް ތައްޔާރުވެފައި ތިބުމަކީ މުހިންމު ވަރަށް ކަމެކެވެ. އުޅަނދުގައި މަދުވެގެން ދެ މީހުން ތިބުމާއި، މުވާސަލާތީ ނިޒާމުތައް (ރޭޑިއޯ، ފޯން) ރަނގަޅަށް މަސައްކަތްކުރޭތޯ ބެލުން، އަދި ކުއްލި ހާލަތްތަކުގައި އެހީތެރިކަމަށް އެދޭނެ ގޮތްތައް ދެނެގަތުމަކީ ބޭނުންތެރި ކަމެކެވެ. އަދި ސަލާމަތީ އިދާރާތަކުން ދޭ އިންޒާރުތަކަށް ސަމާލުކަންދިނުމަކީ ކޮންމެހެން ކުރަންޖެހޭ ކަމެކެވެ.

މި ދުވަސްވަރަކީ ވައިގަދަ އަދި ވިއްސާރަ ދުވަސް ވަރަކަށް ވުމާއެކު ހިނގާފާނެ ހާދިސާތަކުން ރައްކާތެރިވުމަށް، ރައްކާތެރިކަމުގެ ފިޔަވަޅު އެޅުއްވުމަށް އިލްތިމާސްކުރަން.

— Maldives Police (@PoliceMv) August 4, 2025

މޫސުން ގޯސް މިފަދަ ދުވަސްވަރެއްގައި ކޮންސްޓްރަކްޝަން މަސައްކަތްކުރާ ސައިޓުތަކުގައި ސޭފްޓީއަށް ޖަހާފައިހުންނަ ފެންސް ވަޔާ ނުދާނޭހެން ރަނގަޅަށް ހަރުކުރުމަށް ފުލުހުންގެ ޚިދުމަތުންވެސް އިލްތިމާސްކުރައްވައިފާވެއެވެ.

ވައިގަދަވެ، ކަނޑުދަތުރު ނުކުރެވޭހާ ބޮޑަށް ކަނޑުތައް ގަދަވާނެތީ ކަނޑު ދަތުރުފަތުރުކުރާ ފަރާތްތަކުން ސަމާލުވުމަށް މޫސުމާ ބެހޭ ޤައުމީ އިދާރާއިން ވެސް ވަނީ އިލްތިމާސްކުރައްވާފައެވެ. އަދި ގަދަވަޔާއެކު ބޯކޮށް ވާރޭ ވެހުމުގެ ސަބަބުން ކުރިމަތިވެދާނެ ނުރައްކާތަކުން ސަލާމަތްވުމަށާއި، ލިބިދާނެގެއްލުންތައް ކުޑަކުރުމަށް ރައްކާތެރިކަމުގެ ފިޔަވަޅު އެޅުއްވުމަށް ވެސް މޫސުމާބެހޭ ޤައުމީ އިދާރާއިން ވަނީ އިލްތިމާސްކުރައްވައެވެ.