ޚަބަރު

ދެ ޤައުމުގެ ގުޅުން ކުރިއަށް އޮތް ދުވަސްތަކުގައި އައު އުސްމިންތަކަކަށް އުފުލިގެންދާނެ: ބޮޑުވަޒީރު މޯދީ


  • ބޮޑުވަޒީރު ވަނީ އެމަނިކުފާނަށް އެއަޕޯޓުން މަރުޙަބާ ދެންނެވުމަށް ރައީސް ވަޑައިގަތުމުން އުފާކުރައްވާކަމަށް

  • މޯދީގެ މި ދަތުރުފުޅަކީ ދެ ދުވަހުގެ ދަތުރުފުޅެއް

އިންޑިއާ އާއި ދިވެހިރާއްޖޭގެ ގުޅުން ކުރިއަށް އޮތްދުވަސްތަކުގައި އާ އުސްމިންތަކަކަށް އުފުލިގެންދާނެކަން ޔަޤީންކުރައްވާކަމަށް އިންޑިއާގެ ބޮޑުވަޒީރު ނަރެންދުރަ މޯދީ ވިދާޅުވެއްޖެއެވެ.

އެމަނިކުފާނު މިފަދައިން ވިދާޅުވީ ރާއްޖެއަށް ވަޑައިގެން ސޯޝަލް މީޑިއާގައި ހިއްސާކުރެއްވި ޕޯސްޓެއްގައެވެ. އެމަނިކުފާނު ރަސްމީ އެކްސް އެކައުންޓުގައި ދިވެހި ބަހުން ކުރެއްވި ޕޯސްޓެއްގައި ވަނީ އެމަނިކުފާނު ރާއްޖެއަށް ވަޑައިގަތުމުން ވެލާނާ އިންޓަނޭޝަނަލް އެއަޕޯޓުން މަރުޙަބާ ދެންނެވުމަށް ރައީސުލްޖުމްހޫރިއްޔާ ޑރ. މުހައްމަދު މުޢިއްޒު ވަޑައިގަތުމުން އުފާކުރައްވާކަމަށެވެ. އަދި އިންޑިއާ އާއި ދިވެހިރާއްޖޭގެ ގުޅުން ކުރިއަށް އޮތްދުވަސްތަކުގައި އާ އުސްމިންތަކަކަށް އުފުލިގެންދާނެކަން ޔަޤީންކުރައްވާކަމަށް ބޮޑުވަޒީރު ނަރެންދުރަ މޯދީ ވިދާޅުވިއެވެ.

އިންޑިއާގެ ބޮޑު ވަޒީރު ވިދާޅުވީ އިންޑިއާ އާއި ދިވެހިރާއްޖެއާ ދެމެދު އެކުވެރިކަން އިތުރަށް ކުރިއެރުވުމުގައި އިންޑިއާގެ ރައްޔިތުންނަކީ ވަރަށް މުހިންމު ދަޢުރެއް އަދާކުރާ ބައެއްކަމަށެވެ. އެމަނިކުފާނުގެ މި މި ދަތުރުގައި ރާއްޖޭގައި ދިރިއުޅޭ އިންޑިއާގެ ރައްޔިތުންނާއި ބައްދަލުކުރެވުނީތީ އުފާކުރައްވާ ދެއްވި ހޫނު މަރުޙަބާއަށްޓަކައި އިންޑިއާގެ ބޮޑުވަޒީރު ނަރެންދުރަ މޯދީ ވަނީ ޝުކުރު އަދާކުރައްވާފައެވެ.

އިންޑިއާގެ ބޮޑުވަޒީރު ނަރެންދުރަ މޯދީގެ މި ދަތުރުފުޅަކީ ދެ ދުވަހުގެ ދަތުރުފުޅެކެވެ. މިއީ އެމަނިކުފާނު ތިންވަނަ ފަހަރަށް އިންޑިއާގެ ބޮޑުވަޒީރުގެ މަޤާމާ ހަވާލުވެވަޑައިގެންނެވިފަހުން ރާއްޖެއަށް ކުރައްވާ ފުރަތަމަ ދަތުރުފުޅެވެ.

މި ދަތުރުފުޅުގައި ރައީސުލްޖުމްހޫރިއްޔާ އާއި އިންޑިއާގެ ބޮޑުވަޒީރު، ދެ ޤައުމުގެ ދޭދޭ ގުޅުމާއި ސަރަހައްދީ މަސްލަހަތުތަކާ ގުޅޭ މަތީފަންތީގެ މަޝްވަރާތައް ބާއްވާނެ ކަމަށް ރައީސުލްޖުމްހޫރިއްޔާ އޮފީހުން ވިދާޅުވެއެވެ. އަދި އެކި ދާއިރާތަކުން ގުޅިގެން މަސައްކަތްކުރުމަށާއި ގުޅުން ބަދަހިކުރުމަށް ފަހުމުނާމާތަކުގައި ސޮއި ކުރެއްވުމަށް ވަނީ ހަމަޖެހިފައެވެ. މި ދަތުރުފުޅުގެ ރަސްމީ ހަރަކާތްތައް އޮންނާނީ މިއަދު މެންދުރުފަހުއެވެ.

ފަހުގެ ޚަބަރު

އަންނަ މަހުން ފެށިގެން އިންޑިއާ ރުޕީ އެކައުންޓު ހުޅުވޭގޮތް ބީއެމްއެލްއިން ހަދައިފި

ޑިޕޯލް އެތްލެޓިކޯ މެޑްރިޑް ދޫކޮށް މެސީގެ އިންޓަރ މަޔާމީ އަށް

ރައީސުލްޖުމްހޫރިއްޔާ މިނިވަން ދުވަހުގެ ތަހުނިޔާ ފޮނުއްވައިފި

ޣައްޒާގައި ކާޑުބަލި ޖެހިފައިވާ ކުޑަކުދިންނަށް ބޭނުންވާ ޚާއްޞަ ކާބޯތަކެތި ހުސްވަނީ

ޤައުމީ ޕޭމެންޓް ނިޒާމު ވަކި ކުންފުންޏެއްގެ ދަށުން ތަރައްޤީކުރުމުގެ މަސައްކަތް ދަނީ ކުރަމުން: އެމްއެމްއޭ