ޖަރުމަނުގެ ބަޔާން މިއުނިކަށް ކުޅޭ ފްރާންސްގެ މަތީސް ޓެލް ހޯދުމަށް ޗެލްސީން ބިޑް ހުށައަޅައިފި އެވެ.
އުމުރުން 19 އަހަރުގެ ޓެލް ހޯދުމަށް ޗެލްސީން ވަނީ މިދިޔަ ހޫނު މޫސުމުގައިވެސް މަސައްކަތް ކޮށްފަ އެވެ. ނަމަވެސް އެ ފަހަރު އެކަން ކާމިޔާބު ނުވި ނަމަވެސް މި ފަހަރު ޗެލްސީއަށް އޭނާ ބަދަލުވުމަކީ ވަރަށް ކައިރި ކަމެއް ކަމަށް ބައެއް ރިޕޯޓްތައް ވަނީ ބުނެފަ އެވެ.
ބަޔާން މިއުނިކް އިން ވަނީ ޗެލްސީގެ ފޯވަޑް ކްރިސްޓޮފާ އެންކުންކޫ އަށް ޝައުގުވެރިވާ ކަމަށް ބުނެފަ އެވެ. ނަމަވެސް ޗެލްސީގެ ހުށައެޅުމުގައި ޓެލްގެ ޓްރާންސްފާގައި އެންކުންކޫ ހިމަނާފައެއް ނުވެއެވެ.
2029 ވަނަ އަހަރުގެ ނިޔަލަށް ބަޔާން މިއުނިކަށް ސޮއިކޮށްފައިވާ ޓެލް ވިއްކާލުމަށް ބަޔާން މިއުނިކްއިން ދެކޮޅު ހެދިނަމަވެސް ކުޅުންތެރިޔާ ބޭނުންވެއްޖެ ހާލަތެއްގައި އެކަން ބަދަލުވުމަކީ ވެދާނެ ކަމެކެވެ.
ބަޔާންގެ ކޯޗު ކަމާއި ވިންސެންޓް ކޮމްޕެނީ ހަވާލުވި ފަހުން ޓެލް އަށް ކުޅުމުގެ ފުރުސަތު ލިބިފައިވަނީ ވަރަށް މަދުންނެވެ. އެގޮތުން އޭނާ ފުރަތަމަ އެގާރައިގައި ހިމެނިގެން ކުޅެފައިވަނީ ބުންޑެސްލީގާގެ އެންމެ ދެ މެޗުގަ އެވެ.
ޗެލްސީގައި މިވަގުތުވެސް ވަރުގަދަ ސްކޮޑެއް އޮތްއިރު އެންޒޯ މަރެސްކާ ދަނީ ކްރިސްޓަލް ޕެލަސްގެ ޑިފެންޑަރ މާކް ގުއެހީ ހޯދުމަށް މަސައްކަތް ކުރަމުންނެވެ. އަދި ޗެލްސީގައި މިވަގުތު ތިބި ތިން ޑިފެންޑަރުން ކަމުގައިވާ ބެން ޗިލްވެލް އާއި ޗުކުވުއެމޭކާގެ އިތުރުން ސެޒާ ކަސެޑޭއި ދޫކޮށްލުމަށް ނިންމާފައިވާކަމަށްވެސް މަރެސްކާ ވަނީ ބުނެފަ އެވެ.