ރަސްމީ ދަތުރުފުޅެއްގައި ޚާރިޖީ ވަޒީރު އިންޑިއާއަށް
-
އިންޑިއާގެ ޚާރިޖީ ވަޒީރު ޑރ. އެސް ޖައިޝަންކަރުގެ ދައުވަތަކަށް ކުރައްވާ ދަތުރުފުޅެއް
ޚާރިޖީ ވަޒީރު ޑރ. އަބްދުﷲ ޚަލީލް، ރަސްމީ ދަތުރުފުޅެއްގައި އިންޑިއާއަށް ވަޑައިގެންފިއެވެ.
މިއީ މިދިޔަ ސެޕްޓެމްބަރުމަހުގެ 30 ވަނަ ދުވަހު މަޤާމާއި ޙަވާލުވެވަޑައިގަތުމަށްފަހު ޚާރިޖީ ވަޒީރު ޑރ. އަބްދުﷲ ޚަލީލް އިންޑިއާއަށް ކުރައްވާ ފުރަތަމަ ދަތުރުފުޅެވެ.
ޚާރިޖީ ވަޒީރު ވިދާޅުވީ މިއީ އިންޑިއާގެ ޚާރިޖީ ވަޒީރު ޑރ. އެސް ޖައިޝަންކަރުގެ ދައުވަތަކަށް ކުރައްވާ ދަތުރުފުޅެއްކަމަށެވެ.
އިންޑިއާއަށް ކުރައްވާ ރަސްމީ ދަތުރުފުޅުގައި ދެ ޤައުމުގެ ގުޅުން އެކި ދާއިރާތަކުން އިތުރަށް ފުޅާކޮށް، ބަދަހިކުރުމަށް މަޝްވަރާކުރައްވާނެކަމަށް ވަޒީރު ވިދާޅުވިއެވެ.
ރަސްމީ ދަތުރުފުޅެއްގައި ޚާރިޖީ ވަޒީރު ޑރ. އަބްދުﷲ ޚަލީލް އިންޑިއާއަށް ވަޑައިގެންފައިވާއިރު، ރައީސުލްޖުމްހޫރިއްޔާ ޑރ. މުހައްމަދު މުއިއްޒުވެސް ވަނީ މިދިޔަ އޮކްޓޫބަރުމަހު އިންޑިއާއަށް ރަސްމީ ދަތުފުޅެއް ކުރައްވާފައެވެ. އެ ދަތުރުފުޅުގެ ތެރެއިން ވަނީ ދެ ޤައުމުގެ ދެމެދުގައި ރަސްމީ މަޝްވަރާތައް ބާއްވާފައެވެ.