ރާއްޖެ ސަރަހައްދުގައި ހަރަކާތްތެރިވަމުންދިޔަ ބޭރުގެ މަސް ބޯޓެއް ޑްރޯންގެ އެހީގައި އަތުލައިގެންފި
-
މަސް ބޯޓު ލޮކޭޓްކުރީ އެމްއެންޑީއެފް އެއަރ ކޯރގެ ޑްރޯންގެ އެހީގައި
ރާއްޖެ ސަރަހައްދުގައި ޤާނޫނާއި ޚިލާފަށް ހަރަކާތްތެރިވަމުންދިޔަ ބޭރުގެ މަސް ބޯޓެއް އެމްއެންޑީއެފް އެއަރ ކޯރގެ ޑްރޯންގެ އެހީގައި އަތުލައިގެންފިއެވެ.
އެމްއެންޑީއެފްއިން ވިދާޅުވީ ރާއްޖެ ސަރަހައްދުުގައި ޤާނޫނާއި ޚިލާފަށް ހަރަކާތްތެރިވަމުންދިޔަ ބޭރުގެ މަސް ބޯޓު އަތުލައިގަތީ ރާއްޖޭގެ ޚާއްޞަ އިޤްތިޞާދީ ސަރަހައްދު ބެލެހެއްޓުމަށް ހިންގި އޮޕަރޭޝަނެއްގައިކަމަށެވެ. އެގޮތުން އެ އޮޕަރޭޝަނުގައި މަސް ބޯޓު ލޮކޭޓްކުރީ އެމްއެންޑީއެފް އެއަރ ކޯރގެ ޑްރޯންގެ އެހީގައިކަމަށެވެ. އަދި އެ ބޯޓު ލޮކޭޓް ކުރުމަށްފަހު ކޯސްޓްގާޑްގެ ބެލުމުގެ ދަށަށް ގެނެސްފައިވާކަމަށްވެސް އެމްއެންޑީއެފްއިން ވިދާޅުވެއެވެ.
ރާއްޖޭގެ ޚާއްޞަ އިޤްތިޞާދީ ސަރަހައްދު ބެލެހެއްޓުމަށް ހިންގި އޮޕަރޭޝަނެއްގައި، ޤާނޫނާ ޚިލާފަށް ޚާއްޞަ އިޤްތިޞާދީ ސަރަހައްދުގައި ހަރަކާތްތެރިވަމުންދިޔަ ބޭރުގެ މަސް ބޯޓެއް، އެމްއެންޑީއެފް އެއަރ ކޯރ ޑްރޯން ގެ އެހީގައި ލޮކޭޓް ކުރުމަށްފަހު ކޯސްޓްގާޑްގެ ބެލުމުގެ ދަށަށްވަނީ ގެނެވިފަ. pic.twitter.com/LYbt8o6Kj1
— Maldives National Defence Force (@MNDF_Official) December 26, 2024
މިދިޔަ ހޯމަދުވަހުވެސް ރާއްޖެ ސަރަހައްދުގައި ޤާނޫނާއި ޚިލާފަށް ޑިންގީއެއްގައި އުޅުނު ބޭރު ޤައުމެއްގެ ބަޔަކު ވަނީ އެމްއެންޑީއެފްގެ ބެލުމުގެ ދަށަށް ގެނެސް، ދިވެހި ފުލުހުންގެ ޚިދުމަތާއި ހަވާލުކޮށްފައެވެ.