ފަސް މިލިޔަން ގަސް ޕްރޮގުރާމް: ސްޓެލްކޯއިން 50،000 ގަސް އިންދައިފި

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އިޢުލާން ކުރައްވާފައިވާ 5 މިލިޔަން ގަސް އިންދުމުގެ ޕްރޮގުރާމްގެ ދަށުން ސްޓޭޓް އިލެކްޓްރިކް ކޮންޕެނީ ލިމިޓެޑް، ސްޓެލްކޯއިން މިހާތަނަށް 50،000 ގަސް އިންދައިފައެވެ.

5 މިލިޔަން ގަސް އިންދުމުގެ ޕްރޮގުރާމްގެ ދަށުން 500،000 ގަސް އިންދުމަށް ސްޓެލްކޯއިން ވަނީ އަމާޒުހިފާފައެވެ.

ސޯޝަލް މީޑިޔާގައި ހިއްސާކުރި ޕޯސްޓެއްގައި ސްޓެލްކޯއިން ވިދާޅުވީ 5 މިލިޔަން ގަސް އިންދުމުގެ ޕްރޮގުރާމްގެ ދަށުން މިހާތަނަށް 52،334 ގަސް އިންދާފައިވާ ކަމަށެވެ. މި އަދަދަށް ގަސް އިންދާފައިވަނީ މިއަހަރުގެ ޖޫން މަހުގެ 5 ވަނަ ދުވަހުން ފެށިގެން އިއްޔެއާ ހަމައަށްކަމަށް އެކުންފުނިން މަޢުލޫމާތުދެއްވިއެވެ.

ސްޓެލްކޯގެ މެނޭޖިން ޑިރެކްޓަރ ޙުސައިން ފަހުމީ ވިދާޅުވީ ސްޓެލްކޯގެ 500،000 ލައްކަ ގަސް އިންދުމުގެ އަމާޒަށް ވާޞިލުވުމަށް މަހަކު 8،340 ގަސް އިންދަމުންގެންދާން ކަމަށެވެ.

Thank you to the dedicated and nation-loving staff of @STELCOMALDIVES . With an average of 8,340 plants being cultivated each month, we are well on track to achieve our ambitious target of 500,000 plants within five calendar years.

Thank you, His Excellency President Mohamed… https://t.co/JU05Zdf5c4 pic.twitter.com/FUaqgVGrH9

— Hussain Fahmy (@HussainFahmy09) December 22, 2024

ސްޓެލްކޯގެ އެމްޑީ ފަހުމީ ވިދާޅުވީ ގަސް އިންދުމުގެ ޕްރޮގުރާމް ހިމެނޭހެން ރައީސުލްޖުމްހޫރިއްޔާ ކޮންމެ ވަޢުދެއްވެސް ވަނީ ކައިރިއާ އަދި ދުރު މުސްތަޤުބަލުގައި އެއިން ރައްޔިތުންނަށް ކުރާނެ ފައިދާއަށް ބަލައިގެންކަމަށެވެ.

މި ދައުރުގެ ތެރޭގައި 5 މިލިޔަން ގަސް އިންދުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަޢުދުވެވަޑައިގެންނެވީ މިދިޔަ އަހަރުގެ ޑިސެންބަރު މަހުގެ 1 ވަނަ ދުވަހު ކޮޕް-28 ސަމިޓުގައި ދެއްވި ތަޤުރީރުގައެވެ. މި ޕްރޮގުރާމް ފަށާފައިވަނީ މިއަހަރުގެ ތިމާވެށީގެ ދުވަސްކަމަގައިވާ ޖޫން މަހުގެ 5ވަނަ ދުވަހުއެވެ.

މި ޕްރޮގްރާމުގެ މަޤްޞަދަކީ ރާއްޖެއިން ނެތެމުންދާ ގަސްތައް އަލުން އާލާކޮށް، ފެހިކަން އިތުރުކޮށް މާހައުލީ ނިޒާމު ދަމަހައްޓައި މޫސުމީ ބަދަލުތަކަށް ވިލުންތެރިކަން އިތުރުކުރުމެވެ.