އާރާ އާސާލް އާޒިމް އާއި ނަޔާރާ އުސާމާ އަލީ - ފޮޓޯ: ޓެނިސް އެސޯސިއޭޝަން އޮފް މޯލްޑިވްސް
މާލޭ ޓެނިސް ކޯޓުގައި ކުރިޔަށްދާ އޭޓީއެފް މޯލްޑިވްސް ޖޫނިއާ އޯޕަން ގެ ދެވަނަ މުބާރާތުގެ 16 އަހަރުން ދަށުގެ އަންހެން ސިންގަލްސްގެ ފައިނަލަށް ރާއްޖޭގެ އާރާ އާސާލް އާޒިމް ދަތުރުކޮށްފިއެވެ.
އިއްޔެ ކުޅުނު ސެމީ ފަިއނަލްގައި އާރާ ނިކުތީ ރާއްޖޭގެ އައިޝަތު ކެރިން ސައިޒާން އާއި ދެކޮޅަށެވެ. އާރާ މި މެޗު ކާމިޔާބުކުރީ 2-6، 1-6 ން ނެވެ. މި ނަތީޖާއާއި އެކު މިއަދު އާރާ ފައިނަލަށް ނިކުންނާނީ ހޮނގްކޮންގެ ހުއި ލަމް އެލާ ވޮންގްއެވެ. އޭނާ ފައިނަލުގެ ޖާގަ ހޯދީ ކަޒަކަސްތާންގެ އަރްޒާން ބަޔަލީނާ 3-6، 4-6 އިން މޮޅުވެގެންނެވެ.
މި މުބާރާތުގެ ތިންވަނަ ހޮވާ މެޗުގައި ބައްދަލް ކުރާނީ އަރްޒާން އާއި ކެރިން އެވެ.