ފީފާ ވޯލްޑް ކަޕް 2034ވަނަ އަހަރު ބާއްވާ ގައުމެއްގެ ގޮތުގައި ސައޫދީއަރަބިއްޔާ ހަމަޖެހުމާއި ގުޅިގެން ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު މަރުޙަބާ ވިދާޅުވެއްޖެއެވެ.
ސޯޝަލް މީޑިއާގައި ޙިއްސާކުރެއްވި ޕޯސްޓެއްގައި ރައީސުލްޖުމްހޫރިއްޔާ ވަނީ ސައުދީގައި ވޯލްޑް ކަޕް ބޭއްވުމަށް ލިބުނު ފުރުސަތާއި ގުޅިގެން ސައުދީ އަބިއްޔާގެ ރަސްގެފާނު އަދި މާތްވެގެންވާ ދެ ޙަރަމްފުޅުގެ ޚާދިމް ސަލްމާން ބިން ޢަބްދުލް ޢަޒީޒްއާއި ވަލީއަހުދު އަދި ބޮޑު ވަޒީރު މުޙައްމަދު ބިން ސަލްމާނާއި އެޤައުމުގެ އަޚުވަންތަ ރައްޔިތުންނަށް މަރުހަބާ ވިދާޅުވެފައެވެ.
Heartiest congratulations to the Custodian of the Two Holy Mosques @KingSalman, Crown Prince and Prime Minister HRH Mohammed bin Salman, the Government and brotherly people of the Kingdom of Saudi Arabia on the remarkable achievement of securing the bid to host #WorldCup2034!…
— Dr Mohamed Muizzu (@MMuizzu) December 11, 2024
އަދި ސައުދީއަށް ލިބިގެންދިޔަ މި ފަޚުރުވެރި ކާމިޔާބީއަކީ ދުނިޔޭގެ މަސްރަޙުގައި އެޤައުމުން އަދާކުރާ އިސް ދައުރާއި، ފަސްނުޖެހި ފުރިހަމަ އަޒުމާއެކު ދައްކަވާ ނަމޫނާގެ އަލިގަދަ ހެއްކެތްކަމަށް ރައީސް ވިދާޅުވިއެވެ. ރައީސް ވިދާޅުވީ މިއީ އެޤައުމުގެ އިތުރުން މުޅި އަރަބި ދުނިޔެއާއި އިސްލާމީ މުޖުތަމަޢަށްވެސް ފަޚުރުވެރިވާ ވަގުތުކޮޅެއްކަމަށެވެ.
ސައުދީގައި ބާއްވާ ވޯލްޑް ކަޕަކީ މޮޅު ކުންތަކެއް ފެނިގެންދާ މުބާރާތަކަށްވުމުގެ އިތުރުން އެއްބައިވަންތަކަމާއި، ސަގާފަތާއި، އައު ކަންތައްތަކެއް ފެނިގެންދާނެ މުބާރާތަކަށް ވެގެންދާނެކަމަށް އުންމީދުކުރައްވާކަމަށްވެސް ރައީސް ވިދާޅުވިއެވެ.