ދިވެހިރާއްޖެއާ ތަޖިކިސްތާނުން ވިސާ އެގްޒެމްޝަން އެއްބަސްވުމެއްގައި ސޮއިކޮށްފި
ދިވެހިރާއްޖެއާ ތަޖިކިސްތާނުން ވިސާ އެގްޒެމްޝަން އެއްބަސްވުމެއްގައިސޮއިކޮށްފިއެވެ.
ނިއުޔޯކްގައި ސޮއިކުރި މިއެއްބަސްވުމުގައި ދިވެހި ސަރުކާރުގެ ފަރާތުން ސޮއިކުރެއްވީ، ރާއްޖެއިން އދ. އަށް ކަނޑައަޅުއްވާފައި ހުންނަވާ ދާއިމީ މަންދޫބު ޑރ. އަލީ ނަސީރު މުޙަައްމަދުއެވެ. އަދި ތަޖިކިސްތާން ސަރުކާރުން އ.ދ. އަށް ކަނޑައަޅުއްވާފައި ހުންނަވާ ދާއިމީ މަންދޫބު ހިކްމަތު ޖޮނިބެކް އިސްމޮއިލް އެވެ.
މި އެއްބަސްވުމުގައި ސޮއިކުރުމާއިއެކު، މިހާރުވެސް އަމަލުކުރަމުންދާ ޔުނިލެޓަރަލް ވިސާ-ފްރީ ރެޖީމްގެ ދަށުން ވިސާއާއި ނުލާ 30 ދުވަހުގެ މުއްދަތަށް ދެޤައުމުގެ ރައްޔިތުން ދަތުރުކުރުމަށް އޮންނަ އުސޫލު ރަސްމީވެގެންދާނެއެވެ.