48 ބަނގުރާ ފުޅިއާއެކު 3 ބިދޭސީއަކު ހައްޔަރުކޮށްފި
-
ހައްޔަރުކޮށްފައިވަނީ އިންޑިއާގެ 2 މީހެއް، ނޭޕާލްގެ މީހެއް
-
މި މީހުންގެ ބަންދަށް 10 ދުވަސް ވަނީ ޖަހާފައި
ހުޅުމާލެގައި ހިންގި އޮޕަރޭޝަނެއްގައި 48 ބަނގުރާ ފުޅިއާއެކު 3 މީހަކު ހައްޔަރުކޮށްފިއެވެ.
ފުލުހުން ވިދާޅުވީ މި 3 މީހުން ހައްޔަރުކޮށްފައިވަނީ ކައުންޓަރ ނާކޮޓިކްސް އިންޓެލިޖެންސަށް ލިބުނު މައުލޫމާތަކާ ގުޅިގެން މިމަހުގެ 7 ވަނަ ދުވަހު ހުޅުމާލޭގައި ހިންގި އޮޕަރޭޝަނެއްގައިކަމަށެވެ. ފުލުހުން ވިދާޅުވީ ކައުންޓަރ ނާކޮޓިކްސް އިންޓެލިޖެންސާއި ހުޅުމާލެ ޕޮލިސް ގުޅިގެން ހިންގި މި އޮޕަރޭޝަނުގައި ހުޅުމާލެ ފޭސް 1 މަގުމަތިން ޕިކަޕެއް ހުއްޓުވައި ބަލައިފާސްކުރިއިރު 48 ފުޅި ބަނގުރާ ފެނިފައިވާކަމަށް ފުލުހުން ވިދާޅުވެއެވެ
މި އޮޕަރޭޝަންގައި ހައްޔަރުކޮށްފައިވަނީ ބިދޭސީ 3 މީހުންކަމަށްވެސް ފުލުހުން ވިދާޅުވެއެވެ. އެއީ އިންޑިއާއަށް ނިސްބަތްވާ އުމުރުން 24 އަހަރުގެ މީހަކާއި އެ ޤައުމަށް ނިސްބަތްވާ އުމުރުން 27 އަހަރުގެ މީހެއްގެ އިތުރުން ނޭޕާލަށް ނިސްބަތްވާ 35 އަހަރުގެ މީހެއްކަމަށް ފުލުހުން ވިދާޅުވެއެވެ.
މި މައްސަލައާ ގުޅިގެން މި ތިން މީހުންގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން ތިން މީހުންވެސް 10 ދުވަހަށް ބަންދުކުރުމަށް ވަނީ އަމުރުކޮށްފައެވެ.
މި މައްސަލަ ފުލުހުން ގެންދަނީ ތަހުގީގު ކުރަމުންނެވެ.