އަންހެނުންގެ ޝޯޓް ކޯސް 50 މީޓަރާއި، 100 މީޓަރު ބްރެސްޓް ސްޓްރޯކް އިވެންޓްގެ ގައުމީ ރިކޯޑު ހަމްނާ އަޙްމަދު އައުކޮށްފިއެވެ.
ހަންގޭރީގައި ކުރިއަށްދިޔަ ހާޖޯސް އަލްފްރެޑް ކުޕާ ތިނެއްގައި ހަމްނާ 50 މީޓަރުގެ ރިކޯޑް އައުކޮށްފައިވަނީ 37.13 ސިކުންތުން ރޭސް ނިންމައިގެންނެވެ. އަދި މި މުބާރާތުގެ 100 މީޓަރު އިވެންޓުގައި ވާދަކޮށް ހަމްނާ ރިކޯޑް އައުކޮށްފައިވަނީ 01.23.76 އިން ރޭސް ނިންމައިގެންނެވެ.
އަންހެނުންގެ 50 މީޓަރު ބްރެސްޓްރޯކް އިވެންޓުގެ ގައުމީ ރިކޯޑް އެންމެ ފަހުން އައުކޮށްފައިވަނީވެސް ހަމްނާއެވެ. އެއީ މިދިޔަ އަހަރު ހަންގޭރީގައި ބޭއްވި އެ ގައުމުގެ ޝޯޓްކޯސް ޤައުމީ މުބާރާތުގައި 37.88 ސިކުންތުން ރޭސް ފުރިހަމަކޮށްގެންނެވެ.
ރާއްޖޭގެ 100 މީޓަރުގެ ޤައުމީ ރިކޯޑް އެންމެ ފަހުން އައުކޮށްފައިވަނީ އައިޝަތު ސާޖިނާއެވެ. އެއީ 2019 ވަނަ އަހަރު ބޭއްވި 13 ވަނަ ސައުތު އޭޝިއަން ގޭމްސްގައި 01.23.81 އިން ރޭސް ފުރިހަމަކޮށްގެންނެވެ.