ހަނދު ސާބިތުކުރުމާއި ބެހޭގޮތުން ބޭއްވި ބައްދަލުވުމެއްގެ ތެރެއިން - ފައިލް ފޮޓޯ: ޕީއެސްއެމް
ރަމަޟާން މަހުގެ ހަނދު ސާބިތުކުރުން މިރޭ އޮންނާނެއެވެ.
އިސްލާމިކް މިނިސްޓްރީން ވިދާޅުވީ ހަނދު ސާބިތުކުރުމުގެ ބައްދަލުވުން މިރޭ 9:30ގައި އިސްލާމީ މަރުކަޒުގައި އޮންނާނެކަމަށެވެ.
މިބައްދަލުވުމުގައި ހަނދާބެހޭ ކޮމެޓީން މަޝްވަރާކޮށް ހަނދާބެހޭގޮތުން އިއްވާ ބަޔާން އިއްވުން އޮންނާނެއެވެ.
ރަމަޟާންމަހުގެ ހަނދާއި މެދު ވަކިގޮތަކަށް ނިމެންދެން މިއަދު ހަވީރު 5:30 އިން ފެށިގެން ޖުޑީޝަލް ސަރވިސް ކޮމިޝަނާއި، ރަށްރަށުގެ މެޖިސްޓްރޭޓް ކޯޓްތަކާއި، ކައުންސިލް އިދާރާތައް ހުޅުވިފައިހުންނާނެކަމަށް އިސްލާމިކް މިނިސްޓްރީން ވިދާޅުވެއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ