2026 ވަނަ އަހަރު މެކްސިކޯ, އެމެރިކާ އަދި ކެނެޑާގައި ބޭއްވުމަށް ހަމަޖެހިފައިވާ ވޯލްޑްކަޕް ފުޓްބޯޅަ މުބާރާތުގެ ކޮލިފައިންގައި ސައުތު ކޮރެއާ އާއި ދެކޮޅަށް ފަލަސްތީން ކުޅުނު މެޗު އެއްވަރުވެއްޖެ އެވެ.
ސައުތު ކޮރެއާގެ ވޯލްޑްކަޕް ސްޓޭޑިއަމްގައި ކުޅުނު މި މެޗު އެއްވަރު ވެފައިވަނީ އެއްވެސް ޓީމަކަށް ލަނޑެއް ނުޖެހި 0-0 ގެ ނަތީޖާއަކުންނެވެ. އޭޝިއާގެ ކޮލިފައިންގެ ތިންވަނަ ބުރުގައި ކުޅުނު ފުރަތަމަ މެޗު އެއްވަރު ވެފައިވާއިރު, މިއީ ކޮރެއާގެ ކޯޗު ކަމާއި ދާދި ފަހުން ހަވާލުވި ހޮންގ މިއުންބޯގެ އިރުޝާދުގެ ދަށުން އެ ޓީމު ކުޅުނު ފުރަތަމަ މެޗެވެ.
ކޮރެއާގެ ސަޕޯޓަރުން ވަދެ ސްޓޭޑިއަމް ފުރާލާފައިވާ މި މެޗުގައި ފަލަސްތީނުގައި މިހާރު ހިނގަމުންދާ ހަމަނުޖެހުންތަކާއި ގުޅިގެން ފަލަސްތީނުގެ ރައްޔިތުންނަށް ތާއިދުކުރުމުގެ ގޮތުން މުޅި ސްޓޭޑިއަމް އޮތީ ފަލަސްތީނުގެ ދިދައިން ފުރާލާފަ އެވެ.
ކޮލިފައިންގެ ތިންވަނަ ބުރު ތިން ގްރޫޕަކަށް ބަހާލާފައިވާއިރު, ކޮންމެ ގްރޫޕަކުންވެސް އެއްވަނައަށް ދާ ދެ ޓީމަކަށް ވޯލްޑްކަޕްގެ ޖާގައެއް ލިބިގެންދާނެ އެވެ. ގްރޫޕް ބީ ގައި ދެން ހިމެނެނީ އިރާގު, ޖޯޑަން, ކުވެއިތު އަދި އޮމާން އެވެ.
މި ގްރޫޕުގެ އެއްވަނައިގައި މިވަގުތު އޮތީ އޮމާން ބަލިކޮށް ތިން ޕޮއިންޓް ހޯދައިގެން އިރާގެވެ.