އެމެރިކާގެ މަޝްހޫރު ބާސްކެޓްބޯޅަ ކުޅުންތެރިޔާ ލެބްރޯން ޖޭމްސް އޭނާގެ ހައި ސްކޫލް ދުވަސްވަރު ބޭނުން ކުރި ޖާޒީ އެއް ނީލަމުގައި ވިއްކާލުމަށް ނިންމައިފި އެވެ.
އަންނަ ސެޕްޓެމްބަރ މަހުގެ 28 ވަނަ ދުވަހު ހޮންކޮންގައި ބޭއްވުމަށް ހަމަޖެހިފައިވާ ނީލަމުގައި ވިއްކާލުމަށް ނިންމާފައިވާ ޖާޒީ ލެބްރޮން ޖޭމްސް ވަނީ ސްޕޯޓްސް އިލަސްޓްރޭޓެޑްގެ ފޮޓޯ ޝޫޓެއްގައި ބޭނުން ކޮށްފަ އެވެ. މި ނީލަމުގައި ލެބްރޮން ޖޭމްސްގެ ޖާޒީގެ އިތުރުން އޭނާގެ ފޮޓޯތަކެއްވެސް ވިއްކާލުމަށް ވަނީ ނިންމާފަ އެވެ.
މީގެ 22 އަހަރު ކުރިން ލެބްރަން ޖޭމްސް ބޭނުން ކުރި މި ޖާޒީ ވިއްކާލުމަށް ހަމަޖެހިފައިވާ، މި ނީލަން ކުރިއަށް ގެންދާ ޖޫލިއަންސް އޮކްޝަން އިން ބުނެފައިވާ ގޮތުގައި މިއީ ކުޅިވަރުގެ ތާރީޚުގައިވެސް ޚާއްސަ ޖާޒީއެއް ކަމަށެވެ.
ދަނޑު މަތީގަ އާއި ދަނޑުން ބޭރުގައިވެސް ގިނަ ބައެއްގެ ސަމާލުކަން ހުއްޓިފައިވާ ލެބްރޮން ޖޭމްސްގެ ޖާޒީގެ އަގު އެއް މިލިއަން ޑޮލަރަށްވުރެ މައްޗަށް އަރާނެކަމަށް ނީލަން އިންތިޒާމް ކުރާ ފަރާތްތަކުން ވަނީ ބުނެފައެވެ.