އޭޝިއަން ސާފިން ޗެމްޕިއަންޝިޕް: މަރުހަބާ ކަޕުގެ ޗެމްޕިއަންކަން ޖަޕާނަށް

ކ. ތުލުސްދޫގައި މިހާރު ކުރިއަށްދާ އޭޝިއަން ސާފިން ޗެމްޕިއަންޝިޕް 2024 ގެ އޭއެސްއެފް ޓީމު ޗެލެންޖް މަރުހަބާ ކަޕުގެ ޗެމްޕިއަންކަން ޖަޕާނުން ހޯދައިފިއެވެ.

މި ބައިގެ ޗެމްޕިއަންކަން ޖަޕާނުން ހޯދީ މިއަދު ކުރިއަށްދިޔަ ފައިނަލް ހީޓުގައި ޖުމްލަ 58.40 ސްކޯ ކޮށްގެންނެވެ. މި މުބާރާތުގެ ދެވަނައަށް ދިޔައީ އިންޑިއާ އެވެ. އެ ޓީމުން ވަނީ ފައިނަލް ހީޓުގައި 24.13 ގެ ސްކޯއެއް ހަމަކޮށްފައެވެ.

ތިންވަނަ މަގާމު ޗައިނީސް ޓައިޕޭއިން ހޯދިއިރު، އެ ޓީމުން ވަނީ 23.93 ގެ ސްކޯއެއް ކޮށްފައެވެ. އަދި ހަތަރުވަނައިގައި ނިންމި ޗައިނާއަށް ލިބުނީ 22.10 ގެ ސްކޯ އެކެވެ.

މި ފަހަރުގެ މަރުހަބާ ކަޕުގައި އަށް ގައުމެއް ވަނީ ވާދަކޮށްފައެވެ. މި ބައިގެ ސެމީ ފައިނަލް ހީޓު ދޭއްގައި ރާއްޖެ ވާދަކުރިއިރު، ރާއްޖެ ދިޔައީ ހީޓުގެ ފުލަށެވެ.