މިއަދު މުޅި ރާއްޖެއަށް މޫސުން ގޯސް، މާދަމާއިން ފެށިގެން މޫސުން ރަނގަޅުވާން ފަށާނެ: މެޓު

މިއަދު ރާއްޖޭގެ ހުރިހާ ހިސާބަކަށްވެސް މޫސުން ގޯސްކަމަށް މޫސުމާބެހޭ ޤައުމީ އިދާރާއިން ވިދާޅުވެއްޖެއެވެ. އެ އިދާރާއިން ވަނީ މިއަދު މޫސުން ގޯސްވުމުގެ ސަބަބުން މުޅި ރާއްޖެއަށް ހުދު ސަމާލު ނެރެފައެވެ. ހުދު ސަމާލު ނެރެފައިވަނީ މިއަދު އިރުއޮއްސި ހައެއް ޖެހުމާހަމައަށެވެ.

މޫސުމާބެހޭ ޤައުމީ އިދާރާއިން ވިދާޅުވީ މިއަދު މުޅި ރާއްޖެއަށް މޫސުން ގޯސްނަމަވެސް މާދަމާއިން ފެށިގެން މޫސުން ރަނގަޅުވާން ފަށާނެކަމަށެވެ. ނަމަވެސް އެކި ހިސާބަށް ކެރީގެ އަސަރު ފޯރާފާނެކަމަށް މޫސުމާބެހޭ ޤައުމީ އިދާރާއިން ލަފާކުރައްވައެވެ.

ކަނޑުތައް މިއަދު އުޅެނީ އުތުރާއި މެދުރާއްޖެތެރެއަށް ގަދަކޮށެވެ. އަދި ދެކުނުގެ އަތޮޅުތަކަށް އާދައިގެވަރަކަށް ގަދަވެފައި ވިލާގަނޑުގައި ގަދަވާނެކަމަށް މޫސުމާއި ބެހޭ ޤައުމީ އިދާރާއިން ވަނީ ވިދާޅުވެފައެވެ.

މޫސުމާއި ބެހޭ ޤައުމީ އިދާރާއިން ވިދާޅުވީ، މާދަމާއިން ފެށިގެން މޫސުން ރަނގަޅުވާން ފަށާނެކަމަށެވެ. އަދި ބުރާސްފަތި ދުވަހުން ފެށިގެން މޫސުން އެއްކޮށް ރަނގަޅުވާނެކަމަށެވެ.