މައިލޯ އަށްވަނަ އިންޓަރ އޮފީސް/ކޮންޕެނީ ހޭންޑްބޯޅަ މުބާރާތް 2024 އަންނަ ބުރާސްފަތި ދުވަހު ފެށުމަށް ތާވަލުކޮށްފިއެވެ.
މި ފަހަރުގެ މުބާރާތްވެސް ދެ ޑިވިޝަނަކަށް ބަހާލައިގެން ކުރިއަށް ގެންދިޔުމަށް ހަމަޖެހިފައިވާއިރު، މި މުބާރާތުގައި ޖުމްލަ 32 ޓީމު ވަނީ ބައިވެރިވެފައެވެ. އެއީ ފުރަތަމަ ޑިވިޝަނުގައި ފިރިހެން ހަތަރު ޓީމާއި އަންހެން ހަ ޓީމެވެ. އަދި ދެވަނަ ޑިވިޝަނުގައި ފިރިހެން 12 ޓީމު ހިމެނޭއިރު، އަންހެން ޑިވިޝަނުގައި 20 ޓީމު ވަނީ ބައިވެރިވެފައެވެ.
މިދިޔަ އަހަރު ބޭއްވި މުބާރާތުގެ ފިރިހެން ފުރަތަމަ ޑިވިޝަނުގެ ޗެމްޕިއަންކަން ކުލަބު އެމްޕީއެލްއިން ހޯދިއިރު، އަންހެން ފުރަތަމަ ޑިވިޝަނުގެ ޗެމްޕިއަންކަން ހޯދީ މޯލްޑިވްސް އިމިގްރޭޝަނުންނެވެ.
މި އަހަރުގެ މުބާރާތުގެ ކުޅުން އަންނަ ބުރާސްފަތި ދުވަހުގެރޭ ފަށާއިރު، ފުރަތަމަ މެޗުގައި ބައްދަލުކުރާނީ ފިރިހެން ފުރަތަމަ ޑިވިޝަނުގެ ދެ ޓީމު ކަމަށްވާ އެމްޑަބްލިއުއެސްސީ އާއި ވެމްކޯއެވެ. މި މުބާރާތުގެ ފުރަތަމަ ޑިވިޝަނުގެ ފައިނަލް މެޗުތައް އަންނަ ސެޕްޓެމްބަރު މަހުގެ ތިންވަނަ ދުވަހު ކުޅުމަށް ހަމަޖެހިފައިވާއިރު، ދެވަނަ ޑިވިޝަނުގެ ފައިނަލް މެޗުތައް ކުޅުމަށް ހަމަޖެހިފައިވަނީ އަންނަ މަހުގެ އަށްވަނަ ދުވަހެވެ.
މިއީ އޮފީސް ކުންފުނިތަކުގެ މެދުގައި ކުރިއަށްދާ އެންމެ ފޯރިގަދަ ހޭންޑްބޯޅަ މުބާރާތެވެ.