ކާވާ ނޭޝަންސް ލީގުގެ ޗެމްޕިއަންކަން އިންޑިއާއަށް

ކަތުމަންޑޫ (ނޮވެމްބަރު 24) - ކަވާ ވިމެންސް ވޮލީބޯލް ނޭޝަންސް ލީގުގެ ޗެމްޕިއަންކަން ދެކުނު އޭޝިއާގެ ގަދަބާރު ކަމަށްވާ އިންޑިއާއިން ހޯދައިފިއެވެ.

ނޭޕާލުގެ އަމިއްލަ ސަޕޯޓަރުންގެ ކުރިމަތީގައި ފުރަތަމަ ފަހަރަށް ޗެމްޕިއަންކަން ހޯދުމުގެ ރަނުގެ ފުރުސަތު ނޭޕާލް ޓީމަށް އަނެއްކާވެސް ގެއްލުނީ ފަސް ސެޓަށް ކުޅެގެންނެވެ.

ފައިނަލް މެޗުގެ ފުރަތަމަ ސެޓުގައި ނޭޕާލް އިން ވަނީ ކެޕްޓަން އަރޫނާ ޝާހީގެ މޮޅު ކުޅުމާއެކު ޖެހިޖެހިގެން ތިން ޕޮއިންޓް ހޯދައިފަ އެވެ. ނަމަވެސް ވަރުގަދަ އިންޑިއާ އިން ވަނީ ކުޑަ ވަގުތުކޮޅެއްގެ ތެރޭގައި 3-3 އިން އެއްވަރުކޮށްފައެވެ.

ބްލޮކްގައި ވަރުގަދަ އިންޑިއާއިން ވަނީ ނޭޕާލަށް ޗެލެންޖްކޮށް 18-14 ގެ ލީޑެއް ނަގައިފަ އެވެ. އިންޑިޔާ އިން 23-20 އިން ކުރީގައި އޮވެ ފުރަތަމަ ސެޓު ކާމިޔާބުކުރުމާ ގާތަށް ދިޔައެވެ. ނަމަވެސް ނޭޕާލަށް އިތުރު ދެ ޕޮއިންޓް ލިބިފައެއް ނުވެއެވެ. ފުރަތަމަ ސެޓު 25-23 އިން ކާމިޔާބުކޮށް ނޭޕާލުން ވަނީ 1-0 ގެ ލީޑެއް ނަގައިފަ އެވެ.

ދެ ވަނަ ސެޓުގައި އިންޑިއާ އިން ވަނީ ޑޮމިނޭޓްކޮށްފަ އެވެ. ނޭޕާލްގެ ޑިފެންސަށް އިންޑިއާގެ ހަމަލާތައް ހުއްޓުވާލެވިފައެއް ނުވެއެވެ. ނޭޕާލްގެ ބަލިކަށި ބްލޮކްގެ ބޭނުން ހިފައި އިންޑިއާއިން ވަނީ 13-7 ގެ ލީޑެއް ނަގައިފައެވެ. އޭގެ ފަހުން ނޭޕާލް އަށް ވަނީ ގާތްގާތުގައި ޕޮއިންޓް އިތުރުކޮށް 14 ޕޮއިންޓަށް ހިފަހައްޓާފައެވެ. މި ސެޓް ނޭޕާލުން ގެއްލުނީ 14-25 އިންނެވެ.

ތިން ވަނަ ސެޓުގައި ނޭޕާލުން ވަނީ މޮޅަށް ކުޅެފައެވެ މި ސެޓުގައި އިންޑިއާއަށް އެއްވެސް އިރެއްގައި ލީޑު ނެގިފައެއް ނުވެއެވެ. 11-7 ގެ ލީޑެއް ނެގުމަށް ފަހު ނޭޕާލް ވަނީ ހަމަޖެހިލާފަ އެވެ. 11-14 އިން ފަހަތުގައި އޮތް އިންޑިއާ އިން ވަނީ ކެޕްޓަން އަދި ސެޓަރު ގިނީ ކޮބާތު ސާޖީ އަށް ފުރުސަތު ދީފަ އެވެ.

ޑެންގީ ހުން ޖެހިގެން ފުރަތަމަ މެޗު ކުޅުމަށްފަހު އޭނާ އެއްވެސް މެޗެއް ނުކުޅެ އެވެ. އޭނާ މި ސެޓުގައި ކުޅުނު ނަމަވެސް ނޭޕާލުން އެ ސެޓު ކާމިޔާބުކުރީ 25-22 އިންނެވެ. ރޭގެ މެޗުގައި ނޭޕާލުން ލީޑު ނެގީ 2-1 ގެ ނަތީޖާއަކުންނެވެ.

މި މެޗުގައި ދެމިއޮތުމަށް އިންޑިއާއަށް ޖެހުނީ ހަތަރު ވަނަ ސެޓު ކާމިޔާބު ކުރުމަށެވެ. އެހެންކަމުން އިންޑިޔާއިން ވަނީ މޮޅު ކުޅުމެއް ދައްކާފައެވެ. މޮޅު ޑިފެންސަކާއެކު އިންޑިއާއިން އެއްވެސް ވަގުތެއްގައި ނޭޕާލަށް ލީޑު ނަގަން ފުރުސަތެއް ނުދިނެވެ. ހަތަރު ވަނަ ސެޓު 25-21 އިން ކާމިޔާބުކޮށް އިންޑިއާ އިން މެޗު އެއްވަރުކުރީ 2-2 ގެ ނަތީޖާއަކުންނެވެ. މެޗު ފަސްވަނަ ސެޓަށް ވެއްޓުނެވެ.

ފަސްވަނަ ސެޓުގައި ނޭޕާލް ވަނީ ފެށުނީއްސުރެ ފަހަތަށް ޖެހިފަ އެވެ. އިންޑިއާ އިން 3-0 ގެ ލީޑެއް ނެގުމުން ނޭޕާލަށް އެނބުރި އާދެވޭ ގޮތެއް ނުވި އެވެ. އިންޑިއާ 11-5 އިން ކުރީގައި އޮތްއިރު ނޭޕާލް ވަނީ ބަލިވުމާ ގާތަށް ޖެހިލާފަ އެވެ.

މިފަހަރު ނޭޕާލުން އަނެއްކާވެސް 13 ވަނަ ސައުތު އޭޝިއަން ގޭމްސް (އެސްއޭޖީ) ކާމިޔާބުކުރީ އިންޑިއާގެ ތާރީހު ތަކުރާރުކޮށްގެންނެވެ. މީގެ ފަސް އަހަރު ކުރިން ނޭޕާލް ވަނީ ރަން މެޑަލް ހޯދި ފަސް ވަނަ ސެޓުގައި އިންޑިއާ އަތުން ބަލިވެފަ އެވެ. ފަސް ވަނަ ސެޓު 15-5 އިން ކާމިޔާބުކޮށް ނޭޕާލުގެ މައްޗަށް އިންޑިއާ އިން ކުރި ހޯދައިފި އެވެ.

ލީގު ސްޓޭޖުގައި ނޭޕާލް އިން އިންޑިއާ ބަލިކުރި ނަމަވެސް ފައިނަލުގައި ނޭޕާލް ވަނީ ބަލިވެފަ އެވެ.

ޖުމްލަ ފަސް ގައުމު ވާދަކުރި މި މުބާރާތުގައި ރާއްޖެއަށް ލިބުނީ ފަސްވަނަ އެވެ. ކުޅުނު ހުރިހާ މެޗަކުން ބަލިވި ނަމަވެސް ދިވެހި ކޯޗު ވަނީ ކުޅުންތެރިންގެ ފަރާތުން ފެނުނު ކުރިއެރުންތައް ފާހަގަކޮށްފައެވެ.