ދާދިފަހުން ސްޕެއިނުގެ ރެއާލް މެޑްރިޑަށް ބަދަލުވި ފްރާންސްގެ ކެޕްޓަން، ކީލިއަން އެމްބާޕޭ، ފްރާންސްގެ ދެވަނަ ޑިވިޝަނުގެ ކްލަބެއް ކަމަށްވާ، ކާއެންގެ މެޖޯރިޓީ ހިއްސާ ގަނެފިއެވެ.
އެމްބާޕޭ، 25، ގެ ކުންފުނި އިންޓަރކަނެކްޓެޑް ވެންޗަރސް އިން ވަނީ އެ ކުންފުނީގެ އެހެން ގޮތްޕެއް ކަމަށްވާ، ކޯލިޝަން ކެޕިޓަލް މެދުވެރިކޮށް ކާއެންގެ ހިއްސާތައް އޯކްޓްރީ ކެޕްޓަލް މެނޭޖްމަންޓް އަތުން ގަނެފައެވެ.
މީޑިއާ ރިޕޯޓްތައް ބުނާގޮތުން، އެމްބާޕޭ ވަނީ އޭނާގެ އަމިއްލަ ފައިސާއިން ގާތްގަނޑަކަށް 15 މިލިއަން ޔޫރޯ (12.6 މިލިއަން ޕައުންޑް) އިންވެސްޓްމަންޓް ފަންޑު މެދުވެރިކޮށް އިންވެސްޓްކޮށްފައެވެ.
މިދިޔަ ސީޒަނުގައި ދެވަނަ ޑިވިޝަނުގެ ހަވަނައިގައި އޮވެ، ނިންމާލި ކާއެން އައު ސީޒަނުގައި ލީގުގައި ކުޅުމަށް ހަމަޖެހިފައިވާ ފުރަތަމަ މެޗުގައި މި އޮގަސްޓް މަހުގެ 17 ވަނަ ދުވަހު ނިކުންނާނީ ޕެރިސް އެފްސީއާ ދެކޮޅަށެވެ.
މީގެކުރީން، ފްރެންޗް ލީގު 1 (ފްރާންސްގެ ފުރަތަމަ ޑިވިޝަން) ގައި ކުޅުނު ކާއެން ދެވަނަ ޑިވިޝަނަށް ރެލިގޭޓްވީ 2019 ގައެވެ.