ފްރާންސްގެ ކުރީގެ ޑިފެންޑަރު، ރަފައެލް ވަރާން އިޓަލީގެ ކޯމޯ އަށް ސޮއިކޮށްފިއެވެ.
ވަރާން، 31، ކޯމޯ އާއެކު ދެ އަހަރު ދުވަހުގެ އެއްބަސްވުމެއްގައި ސޮއިކޮށްފައިވާއިރު، މި އެއްބަސްވުމުގެ ތެރެއިން އިތުރަށް ކޮންޓްރެކްޓް އައު ކުރުމުގެ އިހުތިޔާރު ލިބިގެންވާ ކަމަށް ވެސް އެ ކްލަބުން ވަނީ ކަށަވަރުކޮށްދީފައެވެ.
ކުރީން، ސްޕެއިނުގެ ރެއާލް މެޑްރިޑްގައި ކާމިޔާބު ދުވަސްތަކެއް ހޭދަކުރުމަށްފަހު މިދިޔަ ތިން އަހަރު ވަރާން ކުޅުނީ އިނގިރޭސި ކްލަބު މެންޗެސްޓާ ޔުނައިޓެޑަށެވެ. އޭނާގެ ކްލަބު ކެރިއަރުގައި މިހާތަނަށް 450 އަށް ވުރެ ގިނަ މެޗު ކުޅެފައިވާ ވަރާން ވަނީ ފްރާންސްގެ ގައުމީ ޓީމަށް ކުޅުން ހުއްޓާލުމާ ހަމައަށް 93 މެޗު ކުޅެދީފައެވެ.
ވަރާންގެ ސޮއި ހޯދުމާ ގުޅިގެން، ކޯމޯގެ ކޯޗު ސެސްކް ފަބްރެގާސް ބުނީ، އެއީ ވަރަށް ޙާއްސަ ކުޅުންތެރިއެއް ކަމަށާއި، މިފަދަ ކުޅުންތެރިއަކު ގެނައުމުން ވެސް އެ ކްލަބުގެ އަމާޒާއި، ކުރަމުން އަންނަ އުއްމީދުތައް ވަރަށް ބޮޑަށް ފާހަގަވެގެން ގޮސްފައިވާ ކަމަށެވެ.
ވަރާންގެ އިތުރުން ޕްރިމިއާ ލީގާއި، ސްޕެނިޝް ލީގުގައި ކުރިން ކުޅުނު ސްޕެއިނާއި ލިވަޕޫލްގެ ގޯލްކީޕަރު، ޕެޕޭ ރެއިނާ އާއި ފުލްބެކް، އަލްބާޓޯ މޮރޭނޯ ވަނީ އަލަށް ޕްރޮމޯޓުވި، ކޯމޯ އާ ގުޅިފައެވެ.