ސްރީ ލަންކާގައި މިހާރު ކުރިއަށްދާ އެގައުމުގެ ނެޝަނަލް އެންޑް ޖޫނިއާ ނެޝަނަލް ލޯންގް ކޯސް ސްވިމިން ޗެމްޕިއަންޝިޕްސްގެ ޖޫނިއާ ކެޓަގަރީގެ 50 މީޓަރު ފްރީސްޓައިލް އިވެންޓުން ހޯދި ރިހި މެޑަލްއާއެކު އުމުރުން 13 އަހަރުގެ އަމްނާ ތަޒްކިޔާ މި މުބާރާތުގައި ހޯދި މެޑަލްތަކުގެ އަދަދު ތިނަކަށް އަރައިފިއެވެ.
ތަޒްކިޔާ ވަނީ މި މުބާރާތުގައި 100 މީޓަރު ފްރީސްޓައިލް އިވެންޓުން ލޯ މެޑަލް ހޯދާފައެވެ. އަދި މި މުބާރާތުގައި 4 ގުނަ 100 މީޓަރު މެޑްލޭ ރިލޭ އިވެންޓުން ލޯ މެޑަލް ހޯދި ޓީމުގައި ވެސް ތަޒްކިޔާ ހިމެނެއެވެ.
މެޑްލޭ ރިލޭ އިވެންޓުން ލޯ މެޑަލް ހޯދި ޓީމުގައި ތަޒްކިޔާގެ އިތުރުން ދެން ހިމެނެނީ، ޒޯހާ އަޒްލީ ނަސީމް، މަލައިކާ ލިންޑާ އިމްރާން އަދި ޒާހާ ޒައިދުލް ހަލީލެވެ. ރިހި މެޑަލް ހޯދި ފަންސާސް މީޓަރު ފްރީސްޓައިލް އިވެންޓުގެ ފައިނަލުގައި އިއްޔެ ތަޒްކިޔާގެ ޓައިމިން އަކީ 00:29.67 އެވެ. އޭނާ ވަނީ މި މުބާރާތުގައި ދެ ފަހަރު ގައުމީ ރިކޯޑުވެސް އައުކޮށްފައެވެ.
ތަޒްކިޔާ، 100 މީޓަރު ފްރީސްޓައިލް އިވެންޓުގައި އެންމެ ފުރަތަމަ، ޕްރިލިމިނަރީ ހީޓު ނިންމާފައިވަނީ 01:05.53 ޓައިމިން އަކުންނެވެ. ތަޒްކިޔާގެ މި ޓައިމިން އަކީ، މިއީ ގައުމީ ރެކޯޑެކެވެ. މި ރެކޯޑް އެންމެ ފަހުން އާ ކުރެވިފައިވަނީ މީގެ އަށް އަހަރު ކުރިންނެވެ. މި އިވެންޓްގެ ގައުމީ ރެކޯޑް އެންމެ ފަހުން އާކޮށްފައިވަނީ އާމިނަތު ޝަޖަން އެވެ. އެއީ 2016 ވަނަ އަހަރު ބޭއްވުނު ރިއޯ 2016 އޮލިމްޕިކް ގޭމްސްގައި 01:05.71 އިން ރޭސް ފުރިހަމަކޮށްގެންނެވެ. އެހެންކަމުން، ތަޒްކިޔާ މި އާ ކޮށްފައިވަނީ، ގިނަ އަހަރުތަކެއް ވަންދެން އާ ނުކުރެވި އޮތް ރެކޯޑެކެވެ.
ނަމަވެސް ތަޒްކިޔާ ވަނީ، އޭނާގެ އަމިއްލަ ރެކޯޑް ޓައިމިން އަށް މާ ލަސްތަކެއް ނުވެ ކުރިއެރުން ހޯދާފައެވެ. އެގޮތުން އެ އިވެންޓްގެ ފައިނަލްގައި ވާދަކޮށް ތަޒްކިޔާ ވަނީ ފައިނަލްގައި ވާދަކޮށް 01:05.03 އިން، ނިންމައި، ގައުމީ ރެކޯޑަކާ އެކު، ލޯ މެޑަލް ހޯދާފައެވެ.
ތަޒްކިޔާ ވަނީ އެ މުބާރާތުގެ އަންހެނުންގެ ލޯންގް ކޯސް 200 މީޓަރު ބެކްސްޓްރޯކް އިވެންޓުގެ ޤައުމީ ރެކޯޑް ވެސް އާ ކޮށްފަ އެވެ. އަދި އެ މުބާރާތުގެ، ޖޫނިއާ ނެޝަނަލް ކެޓަގަރީގެ 4 ގުނަ 100 މީޓަރު މެޑްލޭ ރިލޭ އިވެންޓުގެ ލޯ މެޑަލް ހޯދި ޓީމުގައި ވެސް ތަޒްކިޔާ ހިމެނެ އެވެ. ތަޒްކިޔާގެ އިތުރުން ދެން ހިމެނެނީ، ޒޯހާ އަޒްލީ ނަސީމް، މަލައިކާ ލިންޑާ އިމްރާން އަދި ޒާހާ ޒައިދުލް ހަލީލް އެވެ.