ބަންގްލަދޭޝްގެ ޗެމްޕިިއަން ކްލަބް، އަންސަރުން ރާއްޖޭގައި ކުޅުނު އެކުވެރިކަމުގެ ދެވަނަ މެޗުގައި 2023 ވަނަ އަހަރުގެ ގައުމީ ޗެންޕިއަން ވެލިދޫ ޔުނައިޓެޑް ބަލިކޮށްފިއެވެ.
ގައުމީ ހޭންޑްބޯޅަ ކޯޓުގައި ކުޅުނު މި މެޗު އަންސަރު ކާމިޔާބުކޮށްފައިވަނީ 29-40 އިންނެވެ. މި މެޗުގައި ވެލިދޫ ޓީމުން ރަނގަޅު ކުޅުމެއް ވަނީ ދައްކާފައެވެ.
މިއީ ރާއްޖޭގެ ގައުމީ ހޭންޑްބޯލް ކޯޓުގައި ކުޅުނު ބައިނަލްއަގުވާމީ ދެވަނަ މެޗެވެ. ފުރަތަމަ މެޗުގައި ބައްދަލުކުރީ ދިވެހި ސިފައިންގެ ކްލަބާއި އަންސަރެވެ. ދިވެހި ސިފައިންގެ ކްލަބްގެ މައްޗަށް އަންސަރު ކުރިހޯދީ 41-27 އިންނެވެ.
މިއީ، ރާއްޖެ އާއި ބަންގްލަދޭޝްގެ އަންސަރާ ދެކޮޅަށް ކުޅެން ހަމަޖެހިފައިވާ ފްރެންޑްލީ މެޗު ސީީރީސްގެ ފުރަތަމަ މެޗެވެ. ހޭންޑްބޯޅަ މޯލްޑިވްސް ރައީސް، އަހުމަދު މުޖުތަބާ (މުޖޭ) ގެ ދައުވަތަކަށް އައި އަންސަރުން އިތުރު މެޗެއް އަދި ކުޅޭނެއެވެ. ފަހު މެޗުގައި އާދިއްތަަ ދުވަހުގެރޭ، އަންސަރާ ބައްދަލުކުރާނީ، ގައުުމީ 19 އަހަރުން ދަށުގެ ޓީމެވެ.