ރާއްޖޭގެ ކުޅިވަރު ކުރިއެރުވުމަށް ސްޕޯޓްސް ފަންޑެއްގެ މުހިއްމުކަން ބޮޑު ކަމަށާއި އެ ފަންޑު އެކުލަވާލުމުގެ މަސައްކަތް މިހާރު ކުރިއަށްދާ ކަމަށް ކުޅިވަރާއި ހަށިހެޔޮކަމާ ބެހޭ ވަޒީރު ޢަބްދުﷲ ރާފިޢު ވިދާޅުވެއްޖެއެވެ.
ޕީއެސްއެމް ނިއުސްއަށް ދިން އިންޓަވިއުއެއްގައި ރާފިޢު ވިދާޅުވީ ރާއްޖޭގެ ކުޅިވަރު ކުރިއަރުވަން މިވަގުތު ފަންޑެއްގެ މުހިއްމުކަން ބޮޑު ކަމަށެވެ.
ސްޕޯޓްސް ފަންޑުގެ މުހިއްމުކަން އިތުރުވެގެން ދަނީ އެތުލީޓުންގެ ތަމްރީން ޕްރޮގްރާމްތައް ހަރުދަނާކޮށް ކުރިއަށްގެންދިއުމަށް ކަމަށާއި މިހާރު ކުރިއަށްގެންދާ އަރުތަ ޕްރޮގްރާމު ހަރުދަނާވާން ޖެހޭ ކަމަށެވެ. ސްޕޯޓްސް ފަންޑް އެކުލަވާލުމާއެކު އެތުލީޓުންގެ ތަމްރީން ސްކޮލާޝިޕްތައް އޭގެ ދަށަށް ގެނެވޭނެކަން ރާފިޢު ވަނީ ފާހަގަކޮށްފައެވެ.
"އޭގެ އިތުރުން ޑޮނޭޝަން ވެސް، އެސްއޯއީތަކުން ވެސް ބޭނުންވާ އެހީތެރިކަން ފަންޑަށް ގޮސްގެން ފަންޑުން އެހެން ކަންކަމަށްވެސް އިންވެސްޓުކޮށްގެން އެ އިންވެސްޓްމެންޓް ފައިސާ އަލުން އަނބުރާ ފަންޑަށް ޖަމާވެގެން ކުރިއަށްދާނީ." ރާފިއު ވިދާޅުވިއެވެ.
ވަޒީރު ވިދާޅުވީ ފަންޑުން ޚަރަދުކުރާނީ ވީހާވެސް ދެފުށްފެންނަ ގޮތަކަށް ކަމަށާއި ކުޅިވަރު ކުރިއެރުވުމުގެ އެކި ކަންކަމަށް ފަންޑު ބޭނުން ކުރެވިގެންދާނެ ކަމަށެވެ.
"ޑޮނޭޝަންތަކާއި، އެސްއޯއީތަކުން ވެސް ބޭނުންވާ އެހީތެރިކަން ފަންޑަށް ގޮސްގެން ފަންޑުން އެހެން ކަންކަމަށްވެސް އިންވެސްޓުކޮށްގެން އެ އިންވެސްޓްމެންޓް ފައިސާ އަލުން އަނބުރާ ފަންޑަށް ޖަމާވެގެން ކުރިއަށްދާނީޢަބްދުﷲ ރާފިޢު- ކުޅިވަރާއި ހަށިހެޔޮކަމާ ބެހޭ ވަޒީރު
ވަޒީރު ވިދާޅުވީ ފަންޑުން ޚަރަދުކުރާނީ ވީހާވެސް ދެފުށްފެންނަ ގޮތަކަށް ކަމަށާއި ކުޅިވަރު ކުރިއެރުވުމުގެ އެކި ކަންކަމަށް ފަންޑު ބޭނުން ކުރެވިގެންދާނެ ކަމަށެވެ.