ރައީސްގެ އަނބިކަނބަލުންގެ ބައްޕާފުޅުގެ މަޤާމުގައި ހުންނެވި އަލީ އިބްރާހީމް އަވަހާރަވެއްޖެ

ރައީސުލްޖުމުހޫރިއްޔާ ޑރ. މުޙައްމަދު މުޢިއްޒުގެ އަނބިކަނބަލުން ސާޖިދާ މުޙައްމަދުގެ ބައްޕާފުޅުގެ މަޤާމުގައި ހުންނެވި ޢަލީ އިބްރާހީމް އަވަހާރަވެއްޖެއެވެ.

އުމުރުން 78 އަހަރުގައި ރައީސްގެ އަނބިކަނބަލުންގެ ދޮންބައްޕާފުޅު އަލީ އިބްރާހީމް، އަވަހާރަ ވުމާއި ގުޅިގެން ރައީސުލްޖުމުހޫރިއްޔާ ވަނީ މަރުޙޫމްގެ ކަށުނަމާދުގައި ވީހާވެސް ގިނަ ފަރާތްތައް ބައިވެރިވެ ދެއްވުމަށް އެދިވަޑަިގެންފައެވެ. އަލީ އިބްރާހީމްގެ ކަށުނަމާދު އޮންނާނީ މިއަދު މެންދުރު ނަމާދަށް ފަހު އިސްލާމީ މަރުކަޒުގައެވެ.

ވީހާވެސް ގިނަ ބޭފުޅުން ކަށުނަމާދުގައި ބައިވެރިވެދެއްވުމަކީ އަޅުގަނޑުގެ ވަރަށް ބޮޑު އެދުމެއް. ޝުކުރިއްޔާ!
إِنَّا لِلَّهِ وَإِنَّا إِلَيْهِ رَاجِعُونَ. pic.twitter.com/BedP4dnZ1f

— Dr Mohamed Muizzu (@MMuizzu) June 9, 2024

އަލީ އިބްރާހީމް އަވަހާރަ ވުމާއި ގުޅިގެން ވެރިކަން ކުރާ ޕީއެންސީންވެސް ވަނީ ރައީސުލްޖުމުހޫރިއްޔާގެ އަނބިކަނބަލުންނާއި ޢާއިލާއަށް ތައުޒިޔާ ފޮނުއްވާފައެވެ.