އާމްދަނީން ޓެކްސް ދައްކާ ފަރާތްތަކުން ހުށަހަޅަންޖެހޭ ބަޔާން ހުށަހެޅުމާއި ފައިސާ ދައްކަންޖެހޭ ސުންގަޑި ކުރިއަށްއޮތް ޢީދު ޗުއްޓީއާ ދިމާވި ނަމަވެސް އެމުއްދަތު އިތުރުނުކުރާނެކަމަށް މީރާއިން ބުނެފިއެވެ.
މީރާއިން ބުނީ އާމްދަނީން ޓެކްސް ނެގުމުގެ ޤާނޫނުގެ ދަށުން މިދިޔަ އަހަރަށް ޓެކްސް ދައްކާ ފަރާތްތަކުން ހުށަހަޅަންޖެހޭ އިންކަމް ޓެކްސް ބަޔާން ހުށަހެޅުމާއި ފައިސާ ދައްކަންޖެހޭ ސުންގަޑިއަކީ 30 ޖޫން 2024 ކަމަށެވެ. އަދި އާމްދަނީން ޓެކްސް ނެގުމުގެ ޤާނޫނުގެ ދަށުން ރަޖިސްޓަރީކޮށްފައިވާ ހުރިހާ ފަރާތްތަކުން ވެސް އެ ފަރާތުން 2023 ވަނަ އަހަރަށް އިންކަމް ޓެކްސް ބަޔާން ހުށަހަޅަންޖެހޭތޯ ބެއްލެވުމަށްފަހު ސުންގަޑިއަށް ބަޔާން ހުށަހެޅުއްވުމަށް ޚާއްސަ ސަމާލުކަމެއް ދެއްވުމަށްވެސް މީރާއިން ވަނީ އިލްތިމާސްކޮށްފައެވެ.
📢Announcement:
— Maldives Inland Revenue Authority (@MIRAmaldives) June 6, 2024
Deadline for submission of Income Tax Final Return and payment for 2023 will not be extended this year. The deadline for submission of Income Tax Final Return and payment for tax year 2023 is, thus, the 30th of June 2024.
Want to check whether you are required… pic.twitter.com/jKVXzFIfy7
މީރާއިން ވިދާޅުވީ ވިޔަފާރި އާމްދަނީ ލިބޭ ފަރާތްތަކުގެ ތެރޭގައި މާލީ ހިސާބުތައް އޮޑިޓްކޮށް އިންކަމްޓެކްސް ބަޔާނާއެކީ އޮޑިޓަރުގެ ރިޕޯޓު ހުށަހަޅަންޖެހޭކަމަށެެވެ. އަދި މިއީ އެކަށީގެންވާ ވަގުތުތަކެއް ނަގާނެކަމަކަށްވާތީ ދުރާލާ ތައްޔާރުވެ ސުންގަޑިއަށް ބަޔާން ހުށަހެޅޭނެ ގޮތަށް އެ ފަރާތްތަކުގެ މަސައްކަތްތައް ތަރުތީބުކުރުމުގެ މުހިއްމުކަން ފާހަގަކުރަށްވާފައެވަ.
މީރާއިން ވިދާޅުވީ އޮންލައިން ޕޯޓަލް "މީރާ ކަނެކްޓް" މެދުވެރިކޮށް މި ޓެކްސް ބަޔާންތައް ހުށަހަޅައި ފައިސާ ދެއްކޭނެ ކަމަށެވެ.