އިންޑިއަން ޕްރިމިއަރ ލީގު (އައިޕީއެލް) ގެ ފައިނަލުގެ ފަހު ޖާގަ ސަންރައިޒާސް ހައިދަރުއާބާދުން ހޯދައިފިއެވެ.
ފައިނަލުގެ ޖާގަ ހައިދަރުއާބާދުން ހޯދީ ރާޖަސްތާން ރޯޔަލްސް އަތުން 36 ލަނޑުން މޮޅުވެގެންނެވެ.
ޗިދަމްބަރަމް ސްޓޭޑިއަމްގައި ކުޅުނު މެޗުގެ ގުރު ދިމާވުމުން ރާޖަސްތާނުން ނިންމީ ހޮވުމަށެެވެ. ހައިދަރުއާބާދުން ކުޅެން އަރައި، 20 އޯވަރު ތެރޭގައި ނުވަ ކުޅުންތެރިން ނުބައިވެގެން ވަނީ 175 ލަނޑު ހަދާފައެެވެ.
މެޗުގައި ހައިދަރުއާބާދަށް އެންމެ ރަނގަޅަށް ކުޅުނީ 34 ބޯޅައިން 50 ލަނޑު ހެދި ހެއިންރިކް ކްލާސެންއެވެ. މި އިނިންގްސްގައި ރާޖަސްތާނުގެ ޓްރެންޓް ބޯލްޓް އާއި އަވޭޝް ޚާން، ކޮންމެ ކުޅުންތެރިއަކު ވަނީ ތިން ވިކެޓް ނަގާފައެވެ.
ޖަވާބުގައި ކުޅެން އަރައި ރާޖަސްތާނުން ވަނީ 20 އޯވަރުގެ ތެރޭގައި ހަތް ކުޅުންތެރިން ނުބައިވެގެން 139 ލަނޑު ހަދާފައެވެ. އެންމެ ރަނގަޅު ކުޅުމެއް ދެއްކީ ދްރޫވް ޖުރެލްއެވެ. ހައިދަރުއާބާދަށް މި އިނިންގްސްގައި އެންމެ ރަނގަޅު ކުޅުމެއް ކުޅެދިނީ ތިން ވިކެޓް ނެގި ޝާހުބާޒް ޚާނެވެ.
ހައިދަރުއާބާދު ވަނީ 2018 ވަނަ އަހަރު ފައިނަލުގައިވެސް ކުޅެފައެވެ. އަދި 2016 ވަނަ އަހަރު ޗެމްޕިއަންކަންވެސް ހޯދާފައެވެ.