ބާސެލޯނާގެ ކޯޗު ޒަވީ ހަނާންޑޭޒް ގެ ބަދަލުގައި، އެ ކުލަބުގެ ކޯޗަކަށް ޖަރުމަނުގެ ހަންސީ ފްލިކް ގެންނަން ނިންމައިފިއެވެ.
ފްލިކް އަކީ ފަހުގެ ތާރީޚެއްގައި ބާސެލޯނާއަށް ކުރިމަތިލާން ޖެހުނު ހިތްދަތި މެޗުތަކުގެ ތެރެއިން ބަޔާން އަތުން ބަލިވިއިރު އެ ޓީމުގެ ކޯޗެވެ. ޒަވީގެ ފަހު މެޗަކަށް ވާނީ އަންނަ އާދީއްތަ ދުވަހު ރެއާލް ބެޓިސް އާއި ދެކޮޅަށް ކުޅޭ މެޗެވެ.
މީޑިއާ ރިޕޯޓުތައް ބުނާގޮތުގައި އުމުރުން 59 އަހަރުގެ ފްލިކް އާއެކު ބާސެލޯނާއިން ވަނީ ދެ އަހަރު ދުވަހުގެ އެއްބަސްވުމެެއް ހަދާފައެވެ.
ފްލިކް ވަނީ 2019 އަހަރުން ފެށިގެން 2021 ވަނަ އަހަރާއި ހަމައަށް ބަޔާން މިއުނިކާއެކު ދެ ފަހަރު ޖަރުމަން ލީގުގެ ޗެންޕިއަންކަން ހޯދުމުގެ އިތުރުން ޖަރުމަން ކަޕާއި، ޖަރުމަން ސުޕަރ ކަޕާއި، ޔުއެފާ ޗެންޕިއަންސް ލީގާއި، ޔުއެފާ ސުޕަރ ކަޕް އަދި ފީފާ ކުލަބު ވޯލްޑް ކަޕް ކާމިޔާބުކޮށްފައެވެ.
މީގެ އިތުރުން ޖަރުމަން ގައުމީ ޓީމަށް އޭނާ ވަނީ 2021 ވަނަ އަހަރުން ފެށިގެން 2023 ވަނަ އަހަރާއި ހަމައަށް އިރުޝާދުދީފައެވެ.