މިނިސްޓަރ ޒަމީރު، އިރާންގެ ޚާރިޖީ ވަޒީރު އަވަހާރަވުމާއި ގުޅިގެން ތައުޒިޔާ ވިދާޅުވެއްޖެ
-
އީރާނުގެ ޚާރިޖީ ވަޒީރު ޙުސައިން އަމީރު ޢަބްދުއްލުހައްޔާނީ އަވަހާރަވީ އޭނާ ދަތުރުުކުރެއްވި ހެލިކޮޕްޓަރު ވެއްޓުނު ހާދިސާއެއްގައި
އީރާނުގެ ޚާރިޖީ ވަޒީރު ޙުސައިން އަމީރު ޢަބްދުއްލުހައްޔާނީ އަވާހަރަވުމާއި ގުޅިގެން ޚާރިޖީ ވަޒީރު މޫސާ ޒަމީރު ތައުޒިޔާ ވިދާޅުވެއްޖެއެވެ.
އީރާނުގެ ޚާރިޖީ ވަޒީރު ޙުސައިން އަމީރު ޢަބްދުއްލުހައްޔާނީ އަވަހާރަވީ އޭނާ ދަތުރުުކުރެއްވި ހެލިކޮޕްޓަރު ވެއްޓުނު ހާދިސާއެއްގައެވެ.
ޚާރިޖީ ވަޒީރު މޫސާ ޒަމީރު ފޮނުއްވި ތައުޒިޔާގެ މެސެޖުގައި ވިދާޅުވީ ހެލިކޮޕްޓަރު ވެއްޓުނު ހާދިސާގައި އީރާނުގެ ރައީސާއި ފޮރިން މިނިސްޓަރު އަވާހަރަވުމަކީ ލިބިވަޑައިގެންނެވި ބޮޑު ހިތާމައެއްކަމަށެވެ. އަދި އީރާނުގެ ޚާރިޖީ ވަޒީރު ޙުސައިން އަމީރު ޢަބްދުއްލުހައްޔާނީއަކީ ރާއްޖެއާއި އީރާނުގެ ގުޅުން އިތުރަށް ބަދަހިކުރުމަށް ގިނަ މަސައްކަތްތަކެއް ކުރެއްވި ބޭފުޅެއްކަމަށްވެސް ވަޒީރުގެ މެސެޖުގައި ވިދާޅުވިއެވެ. އަދި އީރާނުގެ ހާރިޖީ ސިޔާސަތު ކުރިއެރުވުމަށް އެމަނިކުފާނު ކުރައްވާފައިވާ މަސައްކަތަށްވެސް ވަޒީރު ވަނީ ތައުރީފްކުރައްވާފައެވެ.
ވަޒީރުގެ މެސެޖުގައި ވަނީ ހެލިކޮޕްޓަރު ވެއްޓުނު ހާދިސާގައި އަވަހާރަވި ފަރާތްތަކަށް ސުވަރުގޭގެ މަތިވެރި ނިއުމަތް ލެއްވުން އެދި ދުއާ ދަންނަވާކަމަށް ވިދާޅުވެ، އާއިލާއަށް ތައުޒިޔާ ވިދާޅުވެފައެވެ.
Extremely worrying news of the helicopter crash of the President of the Islamic Republic of Iran, HE Ebrahim Raisi @raisi_com and Foreign Minister Hossein Amirabdollahian.
— Moosa Zameer (@MoosaZameer) May 19, 2024
We stand in solidarity with the Iranian people and our prayers to Allah Almighty are with President…
އީރާނުގެ ރައީސް އިބްރާހީމް ރައީސީ އާއި ޚާރިޖީ ވަޒީރު ދަތުރު ކުރައްވަމުން ގެންދެވި ހެލިކޮޕްޓަރު ވެއްޓުނު ހާސިދާ ހިނގާފައި ވަނީ އީރާނުގެ ހުޅަނގު އުތުރު އީސްޓް އަޒަރްބައިޖާން ޕުރޮވިންސުގެ ޖިލްފާގައެވެ.