މިއަދަކީ ޕީއެސްއެމްގެ ގާނޫނު ރައީސުލްޖުމްހޫރިއްޔާ ތަސްދީގު ކުރައްވާ އަމަލުކުރަން ފެށްޓެވިތާ އެއްއަހަރު ފުރުނު ދުވަހެވެ. ވޭތުވެދިޔަ އެއްއަހަރު ދުވަހުގެ ތެރޭގައި މިޤާނޫނުގެ ދަށުން ކުރުމަށް ލާޒިމްކުރާ ގިނަ ކަންތައްތަކެއް ޕީއެސްއެމްއިން ޙާސިލްކޮށްފައިވެއެވެ. ޕަބްލިކް ސާރވިސް މީޑިއާ ޕީއެސްއެމްގެ ފުރަތަމަ އަހަރީ ދުވަސް ފާހަގަކުރުމުގެ ގޮތުން ޕީއެސްއެމްގެ ގަވަނިންބޯޑް މެމްބަރުން ޚާއްސަ ކޭކެއް ފަޅުއްވާފައިވެއެވެ. ޕީއެސްއެމް ގާނޫން މަތިކޮށްފައިވާ މުހިއްމު ކަންތައްތަކެއް މިވޭތުވެދިޔަ އަހަރެއްހާ ދުވަހުގެ ތެރޭގައި ޕީއެސްއެމްއިން ވަނީ ހާސިލްކޮށްފައެވެ. img:http://s3.psmnews.mv/images/660x400/7689.jpg|"ވިޒިޓް މޯލްޑިވްސް އިޔަރ ފެސްޓިވަލް" ޝޯ - ފޮޓޯ: ޕީއެސްއެމް ނިއުސް
2015 ވަނަ އަހަރުގެ އެޕްރީލް މަހުގެ 28 ވަނަ ދުވަހު ޕީއެސްމްގެ ގާނޫނު ވުޖޫދަށް އައި ފަހުން މިހާރު ވަނީ، އިތުރު 2 ޓީވީ ޗެނަލްއާއި، ދީނީ ރޭޑިއޯ ޗެނަލަކާއި، ހަފްތާ މަޖައްލާއެއް ނެރެން ފަށާއިފައެވެ. img:http://s4.psmnews.mv/images/660x400/telethone-ge-therein.jpg|ހެލްޕް ގާޒާ ޓެލެތޯންގެ ތެރެއިން- ޓީވީ މޯލްޑިވްސް ގައި ބަަހައްޓާފައިހުރި ފަންޑު ފޮށިތަކަށް އާންމުން ފައިސާ ހަދިޔާކުރަނީ- ފައިލް ފޮޓޯ: ޕީއެސްއެމް ނިއުސް
މާލްދީބު މަޖައްލާގެ ވެބްސައިޓް ލޯންޗްކޮށް، ޕިއެސްއެމްގެ ނިއުސް ވެބްސައިޓް ތަރައްޤީކޮށް، ޕީއެސްއެމްގެ މޮބައިލް އެޕްލިކޭޝަނެއް ތައާރަފްކޮށްފައިވެއެވެ. މީގެ އިތުރުން ބްރޯޑްކާސްޓިން ދާއިރާގައި ހުނަރުވެރި މީހުން އުފެއްދުމަށް މޯލްޑިވްސް މީޑިއާ އިންސްޓިޓިއުޓްގެ ނަމުގައި އިންސްޓިޓިއުޓެއް އުފައްދައި، މީހުން ތަމްރީން ކުރަން ފަށާފައިވެއެވެ.
މި އިންސްޓިޓިއުޓުން މިހާރުވެސް 100 އަށްވުރެ ގިނަ ޒުވާނުން ތަމްރީނުކޮށްފައިވެއެވެ. އަދި އޭޝިއާ ޕެސިފިކް އިންސްޓިޓިއުޓް ފޯ ބްރޯޑްކާސްޓިން ޑިވެލޮޕްމެންޓް- އޭ.އައި.ބީ.ޑީ ގެ އެގްޒެކެޓިވް ބޯޑުގެ މި ދައުރުގެ ޗެއާމަންކަން ކުރައްވަމުން ގެންދަވަނީ، ޕީއެސްއެމްގެ މެނޭޖިންގ ޑިރެކްޓަރ އިބްރާހިމް ޚަލީލެވެ. އޭޝިއާ ޕެޗިފިކް ބްރޯޑްކާސްޓިން ޔޫނިއަން އޭ.ބީ.ޔޫގެ އިންޓަރލެކްޗުއަލް ޕްރޮޕަރޓީ އެންޑް ލީގަލް ކޮމެޓީގެ މި ދައުރުގެ ވައިސް ޗެއާރ ޕާރސަން އަކީ، ޕީއެސްއެމްގެ ޑެޕިއުޓީ މެނޭޖިންގ ޑިރެކްޓަރ އާމިނަތު ޝާޔަން ޝާހިދެވެ. img:http://s4.psmnews.mv/images/660x400/4827.jpg|ކުޑަކުދިންގެ ޓީވީ ޕްރޮގްރާމް އުފެއްދުމުގެ ވަރކްޝޮޕް ފެށުމުގެ ރަސްމިއްޔާތު - ފައިލް ފޮޓޯ: ޕީއެސްއެމް
ކުންފުނިން ޤައުމީ ޚިދުމަތެއްގެ ގޮތުގައި ދެކިގެން، މިނިވަން 50 ގެ ރަސްމީ ހަރަކާތްތައް އެޗްޑީ ކޮލެޓީގައި ރައްޔިތުންނާ ހަމަޔަށް ގެނެސްދީފައިވެއެވެ. މީގެ އިތުރުންވެސް އެކްސްޕޯ 2015 އިކޮނޮމިކް މިނިސްޓްރީއާ ގުޅިގެން އިފްތިތާހް ކުރުމާއި، ރަސްފަންނު ހުޅުވުމުގެ ޖަލްސާ ހައުސިން މިނިސްޓްރީއާ ގުޅިގެން އިންތިޒާމް ކުރުމާއި، "ވިޒިޓް މޯލްޑިވްސް އިއަރ 2016' ގެ ކާމިޔާބު ޝޯ ޓޫރިޒަމް މިނިސްޓްރީއާ ގުޅިގެން އިންތިޒާމް ކުރުމާ އިބްރާހިމް ނާޞިރު އިންޓަރނޭޝަނަލް އެއަރޕޯޓަށް 50 އަހަރު ފުރުމުގެ އިވެންޓް އިންތިޒާމް ކުރުމަކީވެސް ޕީއެސްއެމްއިން ފާއިތުވި އެއް އަހަރުގެ ތެރޭގައި ކޮށްފައިވާ ކާމިޔާބު ކަންކަމެވެ. img:http://s3.psmnews.mv/images/660x400/7400.jpg|އެސްޓީއޯއިން ރެސްޕެކްޓް ކެމްޕެއިންގައި ބައިވެރިވާކަން އިޢުލާންކުރުމަށް ބޭއްވި ރަސްމިއްޔާތުގެ ތެރެއިން- ފައިލް ފޮޓޯ: ޕީއެސްއެމް
އަދި ދިވެހި ރައްޔިތުންގެ މެދުގައި، ރިވެތި އަޚްލާގު އަށަގެންނެވުމުގެ ގޮތުން ރެސްޕެކްޓް ކެމްޕެއިންގެ ނަމުގައި ޤައުމީ ކެމްޕެއިނެއްވެސް ޕީއެސްއެމްއިންވަނީ ލޯންޗްކޮށްފައެވެ. ރާއްޖޭގައި ފުރަތަމަ ފަހަރަށް އިންޓަރނޭޝަނަލް ފްރެންޗައިސް ޝޯއެއްގެ ގޮތުގައި މޯލްޑިވިއަން އައިޑަލް ޕީއެސްއެމުން ގެނެސްދިނުމަކީ، ރާއްޖޭގެ ބްރޯޑްކާސްޓިން ދާއިރާއަށް ގެނައި ބޮޑު އިންގިލާބެކެވެ. img:http://s3.psmnews.mv/images/660x400/5311.jpg|މޯލްޑިވިއަން އައިޑަލްގެ ޓައިޓަލް ސްޕޮންސަރަކަށް ދިރާގު ހަމަޖެއްސުމުގެ އެއްބަސްވުމުގައި ސޮއިކުރުމަށް ބޭއްވި ރަސްމިއްޔާތުގެ ތެރެއިން / ފައިލް ފޮޓޯ: ޕީ.އެސް.އެމް
ހަމަމިއާއެކު އިތުރު ޓީވީ ޗެނަލްތަކާއި ރޭޑިއޯ ޗެނަލްތައް އުފައްދާ ރައްޔިތުންނަށް މަޢްލޫމާތު ފޯރުކޮށްދިނުމަށްޓަކައި ޕީއެސްއެމުންދަނީ ހުއްޓުމެއްނެތި މަސައްކަތް ކުރަމުންނެވެ.