ދުންޔާ މައުމޫން، އީރާނުގެ ހާރިޖީ ވަޒީރާއި ބައްދަލުކުރައްވަނީ / ފޮޓޯ: ފޮރިން މިނިސްޓްރީ
ޚާރިޖީ ވަޒީރު ދުންޔާ މައުމޫން، މިހާރު ރާއްޖެ ވަޑައިގެން އުޅުއްވާ ސީނިއަރ އެޑްވައިޒަރ ޓު ދަ ޔޫ.އެން. ޑިޕާޓްމަންޓް އޮފް ޕޮލިޓިކަލް އެފެއާޒް ތަމްރަތު ސެމުއެލްއާ ބައްދަލުކުރައްވައިފިއެވެ.
މި ބައްދަލުކުރެއްވުމުގައި، ސަރުކާރުން އިސްނަންގަވައިގެން ރާއްޖޭގެ ސިޔާސީ ޕާޓީތަކުގެމެދުގައި ބޭއްވުމަށް ހަމަޖެހިފައިވާ މަޝްވަރާތައް ކާމިޔާބުކަމާއެކު ކުރިއަށް ގެންދިއުމުގައި އދ އިން ފަންނީ އެހީތެރިކަން ފޯރުކޮށްދެއްވުމާ ބެހޭގޮތުން، ދެބޭފުޅުން މަޝްވަރާ ކުރައްވާފައިވެއެވެ.
މިސްޓަރ ސެމުއެލް މީގެ ކުރިން ވަނީ ރައީސުލްޖުމްހޫރިއްޔާ ޔާމީން އަބްދުލްގައްޔޫމްގެ އަރިހަށްވެސް ޒިޔާރަތްކުރައްވާ މަޝްވަރާތައްބާއްވަވާފައެވެ. މިނިސްޓަރ ދުންޔާ މިއަދުވަނީ ރާއްޖެއަށް އަލަށް ކަޑައެޅުއްވި އީރާންގެ ސަފީރު މުހަންމަދު ޒައޭރީ އަމިރާނީއާވެސް ބައްދަލުކުރައްވާފައެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ