އިންޑިޔާ މޯލްޑިވްސް ޔޫތު އެކްސްޗޭންޖް ޕްރޮގްރާމް

އިންޑިޔާ މޯލްޑިވްސް ޔޫތު އެކްސްޗޭންޖް ޕްރޮގްރާމްގެ ސަބަބުން ދެޤައުމުގެ ޒުވާނުންނަށް ރަހުމަތްތެރިކަން އާލާކޮށް، އެއްބަޔަކު އަނެއްބަޔަކަށް ތަޖުރިބާ ޙިއްޞާކުރުމަށް ފުރުޞަތު ހުޅުވިގެންދާނެކަމަށް ސްޕޯޓްސް ކޯޕަރޭޝަންގެ މެނޭޖިންގ ޑިރެކްޓަރ ވިދާޅުވެއްޖެއެވެ. ސްޕޯޓްސް ކޯޕަރޭޝަންގެ މެނޭޖިންގ ޑިރެކްޓަރ އަބުދުއްރައްޒާގު މިހެން ވިދާޅުވީ އިންޑިޔާ މޯލްޑިވްސް ޔޫތު އެކްސްޗޭންޖް ޕްރޮގްރާމް ހުޅުވުމުގެ ރަސްމިއްޔާތު ޝަރަފްވެރިކޮށްދެއްވާ ވާހަކަ ދައްކަވަމުންނެވެ. img:http://s1.psmnews.mv/images/660x400/14613955281050.jpg|އިންޑިޔާ މޯލްޑިވްސް ޔޫތް އެކްސްޗޭންޖް ޕްރޮގްރާމް ހުޅުވުމުގެ ރަސްމިއްޔާތުގެ ތެރެއިން - ފޮޓޯ: ޕީއެސްއެމް ނިއުސް

އިންޑިޔާ މޯލްޑިވްސް ޔޫތު އެކްސްޗޭންޖް ޕްރޮގްރާމަކީ މިދެޤައުމުގެ ސަރުކާރުން ވެވަޑައިގަންނަވާފައިވާ އެއްބަސްވުމެއްގެ ދަށުން ދެ ޤައުމުގެ ގުޅުން ބަދަހިކުރުމުގެ މަޤްޞަދުގައި ކުރިޔަށްގެންދެވޭ ޕްރޮގްރާމެކެވެ. މި ޕްރޮގްރާމްގެ ދަށުން އިންޑީޔާގެ 50 ޒުވާނަކު ރާއްޖެ އައިސްފައިވާއިރު މި ޒުވާނުން ރާއްޖޭގައި 8 ދުވަސް ހޭދަކުރުމަށް ހަމަޖެހިފައިވެއެވެ. މި ޕްރޮގްރާމް ހުޅުވުމުގެ ރަސްމިއްޔާތު ޝަރަފްވެރިކޮށްދެއްވާ ވާހަކަފުޅު ދައްކަވަމުން ސްޕޯޓްސް ކޯޕަރޭޝަނުގެ މެނޭޖިންގ ޑިރެކްޓަރ ޢަބުދުއްރައްޒާޤު ވިދާޅުވީ މި ޕްރޮގްރާމްގެ ސަބަބުން ޒުވާނުންނަށް މި ދެ ޤައުމުގެ އާދަކާދަ ދަސްވުމުގެ އިތުރުން ޒުވާނުންގެ ލީޑަރޝިޕް ހުނަރުވެސް އިތުރުވެގެންދާނެ ކަމަށެވެ. އެހެންކަމުން މި ފުރުޞަތުގެ ބޭނުން ފުރިހަމަ ގޮތުގައި ހިފުމަށް މި ޕްރޮގްރާމްގެ ބައިވެރިންގެ ކިބައިން އަބުދުއްރައްޒާޤު އެދިވަޑައިގެންނެވިއެވެ. img:http://s4.psmnews.mv/images/660x400/14613954858996.jpg|އިންޑިޔާ މޯލްޑިވްސް ޔޫތް އެކްސްޗޭންޖް ޕްރޮގްރާމް ހުޅުވުމުގެ ރަސްމިއްޔާތުގެ ތެރެއިން - ފޮޓޯ: ޕީއެސްއެމް ނިއުސް

މި ރަސްމިއްޔާތުގައި އިންޑިއަން ހައިކޮމިޝަނަރު ދެއްކެވި ވާހަކަފުޅުގައި ރާއްޖެއާ އިންޑިޔާއާ ދެ ޤައުމުގެ އޮންނަ ގާތްގުޅުމާއި، ދެޤައުމުގެ ހުރި އެއްގޮތް ކަންތައްތަކާއި، އަދި އެކި ރޮނގުރޮނގުން ރާއްޖެ ހޯދާފައިވާ ކުރިއެރުންތަކުގެ މައްޗަށް އަލިއަޅުވާލައްވާ ވަނީ ވާހަކަ ދައްކަވާފައެވެ. އަދި ހައިކޮމިޝަނަރ ވަނީ ދެ ޤައުމުގެ ޒުވާނުންވެސް މި ޕްރޮގްރާމްގެ ދަށުން ގުޅުންބަދަހިކޮށް އެއްބަޔަކު އަނެއްބަޔެއްގެ ފަރާތުން ކަންކަން އުގެނި ދަސްކުރުމަށް ގޮވާލައްވާފައެވެ. ޔޫތު އެކްސްޗޭންޖް ޕްރޮގްރާމްގެ ދަށުން ރާއްޖެއައި އިންޑިޔާގެ ޒުވާނުން ރާއްޖޭގައި ހޭދަކުރާ 8 ދުވަހުގެ ތެރޭގައި، މާލެއާ ހުޅުމާލޭގެ އިތުރުން މާލެ އަތޮޅުގެ 2 ރަށަކަށްވެސް ދަތުރުކުރުމަށް ހަމަޖެހިފައިވެއެވެ. img:http://s4.psmnews.mv/images/660x400/14613955093222.jpg|އިންޑިޔާ މޯލްޑިވްސް ޔޫތް އެކްސްޗޭންޖް ޕްރޮގްރާމް ހުޅުވުމުގެ ރަސްމިއްޔާތުގެ ތެރެއިން - ފޮޓޯ: ޕީއެސްއެމް ނިއުސް