އދގެ ޑިޕާޓްމަންޓް އޮފް ޕޮލިޓިކަލް އެފެއާޒް ގެ ސީނިއަރ އެޑްވައިޒަރ ތަމްރަތު ސެމުއެލް ރާއްޖެ ވަޑައިގެންފިއެވެ.
ޚާރިޖީ ވުޒާރާއިން މަޢުލޫމާތު ދެއްވާ ގޮތުގައި މިދަތުރުފުޅަކީ މިހާރު ހުއްޓިފައިފާ ރާއްޖޭގެ ސިޔާސީ ޕާޓީތަކުގެ މަޝްވަރާތައް އަލުން ފެށުމަށް އެހީތެރިވެދެއްވުމަށް ކުރައްވާ ދަތުރުފުޅެކެވެ. އަދި، އޭނާގެ މި ދަތުރުފުޅަކީ، މި އަހަރުގެ ފެބްރުއަރީ މަހު އދ.ގެ އެސިސްޓެންޓް ސެކްރެޓަރީ ޖެނެރަލް މިރޮސްލާވް ޔެކެޗް ރާއްޖެއަށް ކުރެއްވި ދަތުރުފުޅާއި ގުޅިގެން ކުރައްވާ ޚާއްޞަ ދަތުރުފުޅެކެވެ.
މިދަތުރުފުޅުގައި އދ.ގެ ޑިޕާރޓްމަންޓް އޮފް ޕޮލިޓިކަލް އެފެއާޒްގެ އިސް އޮފިޝަލުންގެ ޓީމެއް ބައިވެރިވެއެވެ. ވަފްދުގެ ބޭފުޅުން ކުރިޔަށް އޮތް ދުވަސްތަކުގައި ސަރުކާރުގެ އިސް ފަރާތްތަކުގެ އިތުރުން، ސިޔާސީ ޕާޓީތަކާއި ބައްދަލުކުރައްވާ، މަޝްވަރާތައް ބާއްވަވާނެކަމަށް ޚާރިޖީ ވުޒާރާއިން މަޢުލޫމާތު ދެއްވައެވެ. ސެމުއެލްގެ މި ދަތުރުފުޅު ނިންމަވާލެއްވުމަށް ހަމަޖެހިފައިވަނީ މި މަހުގެ 24 ވަނަ ދުވަހުއެވެ.