އިންޑިއާގެ ޖުމްހޫރީ ދުވަހުގެ ތަހުނިޔާ ކުރީގެ ރައީސް ޞާލިޙް ފޮނުއްވައިފި

އިންޑިޔާގެ ޖުމްހޫރީ ދުވަހުގެ ތަހުނިޔާ ކުރީގެ ރައީސް އިބްރާހީމް މުޙައްމަދު ޞާލިޙް، އެޤައުމުގެ ރައީސް ދްރައުޕަތީ މުރްމުއަށާއި، އިންޑިއާގެ ބޮޑުވަޒީރު ނަރެންދުރަ މޯދީއަށް ފޮނުއްވައިފިއެވެ.

"އެކްސް"ގައި ރައީސް ޞާލިޙް ކުރެއްވި ޕޯސްޓެގައި ވަނީ، އިންޑިޔާގެ 75 ވަނަ ޖުމްހޫރީ ދުވަހުގެ މުނާސަބަތުގައި ޤައުމުގެ ރައީސާއި، ބޮޑުވަޒީރާއި ރައްޔިތުންނަށް ތަހުނިޔާ ވިދާޅުވެފައެވެ. އަދި އިންޑިއާއާއި ރާއްޖެއާއި ދެމެދު އޮތް ޒަމާންވީ ގުޅުން އިތުރަށް ވަރުގަދަވުމަށް އެދިވަޑައިގަންނަވާކަމަށް ވިދާޅުވިއެވެ.

On the joyous occasion of India’s 75th Republic Day I extend best wishes to Pres Murmu (@rashtrapatibhvn), PM @narendramodi, the government and people of India. May the unbreakable bonds of friendship that have long existed between Maldives and India go from strength to strength.

— Ibrahim Mohamed Solih (@ibusolih) January 26, 2024

އިންޑިޔާގެ ޖުމްހޫރީ ދުވަސް ފާހަގަކުރަނީ އެ ޤައުމުގެ ޤާނޫނު އަސާސީ އެކުލަވާލާ، ޢަމަލުކުރަން ފެށި ދުވަހާއި ގުޅުވާއިގެންނެވެ. އެއީ 1950 ވަނަ އަހަރުގެ ޖެނުއަރީމަހުގެ 26 ވަނަ ދުވަހެވެ. އަދި އެ ދުވަހަކީ އިންޑިޔާގެ ފުރަތަމަ ރައީސް ޑޮކްޓަރ ރަޖެންދްރާ ޕްރަސާދް، ރައީސްކަމުގެ ހުވާކުރެއްވި ދުވަހެވެ.