އުތުރު ކޮރެޔާއިން ދެކުނު ކޮރެޔާއަށް އަމާޒުކޮށް 200އަށްވުރެ ގިނަ ބޮމުގެ ޙަމަލާދީފިއެވެ. އެ ޙަމަލާތަކުގެ ސަބަބުން ދެކުނު ކޮރެޔާއަށް އެއްވެސް ގެއްލުމެއް ލިބިފައެއް ނުވެއެވެ.
ބޮންތައް ގޮއްވައިލައިފައި ވަނީ ދެ ކޮރެޔާ ގުޅޭ ކަނޑުގެ ސަރަޙައްދަށެވެ. އެ ޙަމަލާތައް އުތުރު ކޮރެޔާއިން ދީފައި ވަނީ އުތުރު ކޮރެޔާގެ ސަރަޙައްދީ ރޮނގުކައިރީގައި އޮންނަ ދެކުނު ކޮރެޔާގެ ޔެއޮންޕިއޮންގުން މީހުން ހުސްކުރަން އަންގައިފައިވަނިކޮށެވެ. ޙަމަލާއާ ބެހޭ އިތުރު ތަފުޞީލެއް ދެކުނު ކޮރެޔާގެ އަސްކަރިއްޔާއިން ދީފައެއް ނުވެއެވެ.
ޔެންޕޮއެންގް އަވަށަށް 2010 ވަނަ އަހަރު ވެސް އުތުރު ކޮރެޔާއިން ވަނީ ބޮމުގެ ޙަމަލާތަކެއް ދީފައެވެ. އެ ޙަމަލާތަކުގައި ހަތަރު މީހުން ވަނީ މަރުވެފައެވެ. އެ ޙަމަލާއަކީ 1953 ވަނަ އަހަރުގެ ތެރޭގައި ކޮރެޔާ ހަނގުރާމަ ނިމުނު ފަހުން ދެކުނު ކޮރެޔާއަށް އުތުރު ކޮރެއާއިން ދިން އެންމެ ވަރުގަދަ ޙަމަލާއެވެ. އެއީ ތަމްރީނުތަކެއްގައި ދިން ޙަމަލާތަކެއް ކަމަށް އުތުރު ކޮރެޔާއިން އޭރު ވަނީ ބުނެފައެވެ.