ޖަޕާނުގެ މެދުތެރެއަށް ރިކްޓަރ މިންގަނޑުން 7.6ގެ ބާރުމިނުގެ ބިންހެލުމެއް އަތުވެއްޖެއެވެ.
ޖަޕާނަށް އައި ބިންހެލުމާ ގުޅިގެން ސުނާމީގެ އިންޒާރު ވަނީ ދީފައިވެއެވެ. ޖަޕާނުގެ އައްސޭރި ފަށުގައި ދިރިއުޅޭ މީހުން ރައްކާތެރި ސަރަޙައްދުތަކަށް ދިއުމަށް ވެސް ވަނީ އަންގައިފައެވެ.
ޖަޕާނުގެ ކަނޑުގެ އައްސޭރިފަށުގެ ބައެއް ހިސާބުތަކަށް ސުނާމީ އަރާނީ ގާތްގަނޑަކަށް 5 މީޓަރުގެ އުސްމިނުގައި ކަމަށާއި ސުނާމީއާ ގުޅިގެން ބޮޑެތި ރާޅު އުފެދޭނެ ކަމަށް ވެސް ލަފާކޮށްފައިވެއެވެ.
ޖަޕާނުގެ މޫސުމާ ބެހޭ އިދާރާއިން ސުނާމީގެ އިންޒާރު ދީފައި ވަނީ އައްސޭރިފަށުގެ އިޝިކާވާއާއި ނިއިގަޓާ އަދި ޓޮޔާމާއަށެވެ. އިޝިކާވާއަށް މިހާރުވެސް 1 މީޓަރު އުސްމިނުގެ ރާޅު އަރަން ވަނީ ފަށައިފައެވެ.
ޖަޕާނުގެ އިރުއުތުރަށް 2011 ވަނަ އަހަރުގެ މާރިޗް މަހުވެސް ވަރުގަދަ ބިންހެލުމަކާއެކު ސުނާމީއަށް އައިސްފައިވެއެވެ. އެ ފަހަރު އެރި ސުނާމީގައި ޖަޕާނުގެ ފުކުޝިމާގެ ރަށްތައް ވަނީ އެއްކޮށް ސުންނާފަތިވެފައެވެ.