ލާމަރުކަޒީނިޒާމުގެ ހިނގެވުން ހަރުދަނާކުރެއްވުމަށްޓަކައި ޤާނޫނަށް އިޞްލާޙެއްހުށައެޅުއްވުމަށް ތައްޔާރުވެވަޑައިގަންނަވަމުން ގެންދަވާކަމަށް އެލްޖީއޭގެ ރައީސްއަދި ހޯމް މިނިސްޓަރ އުމަރު ނަޞީރު ވިދާޅުވެއްޖެއެވެ.
ހޯމް މިނިސްޓަރޢުމަރު ނަޞީރު މިހެން ވިދާޅުވީ ސިޓީ އަދި އަތޮޅުކައުންސިލްތަކުގެ މަހާސިންތާ ފެއްޓެވުމުގެ ގޮތުން މިއަދު ބޭއްވެވި ޖަލްސާގައިވާހަކަދައްކަވަމުންނެވެ. މިނިސްޓަރ ވިދާޅުވީ ޤާނޫނަށް ގެންނަ އިސްލާހު ޑްރާފްޓްކުރުމުގެ މަސައްކަތް ނިމިފައިވާކަމަށާ، ކުރިޔަށްއޮތްތަނުގައި ކަމާބެހޭފަރާތްތަކާއެކު މިޑްރާފްޓާބެހޭގޮތުން މަޝްވަރާކުރުމަށްފަހު، މި އިސްލާހު ރައްޔިތުންގެ މަޖްލީހަށް ފޮނުއްވާނެކަމަށެވެ.
މިނިސްޓަރވިދާޅުވީ ލާމަރުކަޒީ ނިޒާމު ރަނގަޅަށް ހިނގާނީ އެ ނިޒާމްގައި ހިމެނޭ ހުރިހާފަށަލައެއްގައި ހިމެނޭ މީހުންވެސް އެއް އަމާޒަކަށް މަސައްކަތްކުރެވިގެންކަމަށެވެ. މިގޮތުންމިހާރު ދިމާވެފައިވާ އެންމެ ބޮޑު ގޮންޖެހުމަކީ ލާމަރުކަޒީ ނިޒާމުގައި ހިމެނޭސަރުކާރާއި، ސީޓީކައުންސިލްތަކާއި އަތޮޅުކައުންސިލްތަކާއި، ރަށު ކައުންސިލްތަކާއި، އެލްޖީއޭ އަދި ޒިންމާދާރު އިސްވެރިންނަށް ގުޅިގެންއެކީގައި އެއް އަމާޒަކަށް މަސައްކަތްނުކުރެވުންކަން މިނިސްޓަރ ފާހަގަކުރެއްވިއެވެ.
މިއަދުންފެށިގެން ތިންދުވަހުގެ މުއްދަތަށް ކުރިޔަށްގެންދާ މި މަހާސިންތާގައިއަތޮޅުކައުންސިލްތަކައި ސިޓީކައުންސިލްތަކުން ގިނަ އަދަދެއްގެ ކައުންސިލަރުން ބައިވެރިވެޑައިގަންނަވައެވެ. މިމަސައްކަތު ބައްދަލުވުމުގައި ސަރުކާރުގެ އެކި ވުޒާރާތަކުންކުރަމުންދާ މަސައްކަތްތަކާ ބެހޭގޮތުން ކަރުދާސްތައް ހުށައެޅުމާއި އެވުޒާރާތަކާކައުންސިލްތަކާ ގުޅިގެން މަސައްކަތްތައް ކުރިޔަށްގެންދެވޭނެ ގޮތްތަކާބެހޭ ގޮތުންމަޝްވަރާކުރުމަށް ހަމަޖެހިފައިވެއެވެ.