ޔަހޫދީންނާއި ހަމާސްއާ ދެމެދު މިހާރު ކުރަމުންދާ ހަނގުރާމައިގައި ޣައްޒާގެ އާންމު ރައްޔިތުންނަށް ދެމުންގެންދާ ލާއިންސާނީ ހަމަލާތައް ހުއްޓާލުމަށް ގޮވާލައި، ޣައްޒާއަށް އެހީ ފޯރުކޮށްދިނުމަށް އެދި އދ ގެ އާންމު މަޖިލީހުން ގަރާރެއް ފާސްކޮށްފިއެވެ.
އިސްރާއީލުން ޣައްޒާއާ ދެކޮޅަށް ހިންގާ އުދުވާނު ވަގުތުން ހުއްޓާލުމަށް ގޮވާލައި އދ.ގެ އާންމު މަޖިލީހުން ފާސްކުރި ގަރާރަށް ތާއީދުކޮށް އދ. ގައި 193 ޤައުމު ހިމެނޭއިރު އޭގެތެރެއިން 120 ގައުމުން ވޯޓުދީފައިވަނީ މިގަރާރާ އެއްކޮޅަށެވެ. އިސްރާއީލާއި އެމެރިކާ ހިމެނޭ ގޮތަށް މި ގަރާރާ ދެކޮޅަށް ވޯޓުދީފައިވަނީ 14 ގައުމަކުންނެވެ. އަދި 45 ގައުމަކުން އެއްވެސް ކޮޅަކަށް ވޯޓު ދީފައެއްނުވެއެވެ.
ގަރާރާ އެއްކޮޅަށް ވޯޓުދީފައިވާ ޤައުމުތަކުގެ ތެރޭގައި ދިވެހިރާއްޖޭގެ އިތުރުން އަފްޣާނިސްތާނު، ބަންގްލަދޭޝް، ޗައިނާ، އުތުރު ކޮރެއާ، މިސްރު، އީރާން، މެލޭޝިއާ، ރަޝިއާވެސް ހިމެނެއެވެ. މި ގަރާރާ ދެކޮޅަށް ވޯޓުދިން ގައުމުތަކުގެ ތެރޭގައި އިނގިރޭސިވިލާ ފަރަންސޭސިވިލާތްފަދަ ހުޅަނގުގެ އަނިޔާވެރި އިސްތިއުމާރީ ގައުމުތަށް ހިމެނެއެވެ.
މިގަރާރު އާންމު މަޖިލީހަށް ހުށަހަޅާފައިވަނީ އުރުދުން އިސްކޮށް އޮވެގެން އަރަބި ގައުމުތަކާ އަދި އިސްލާމީ ގައުމުތައް ގުޅިގެންނެވެ.