ކުޅިވަރު ވަޞީލަތްތައް ޤާއިމުކުރެއްވުމަށް ސަރުކާރުން ކުރިއަށްގެންދަވާ މަޝްރޫޢުތަކުގެ ތެރެއިން ނ. ފޮއްދޫ އައުޓްޑޯ ވޮލީބޯޅަ ކޯޓު ތަރައްޤީކުރުމުގެ މަސައްކަތް ބަޔަކާ ޙަވާލުކުރައްވައިފިއެވެ.
ކުޅިވަރާ ބެހޭ ވުޒާރާގައި ކުރިއަށްގެންދިޔަ ރަސްމިއްޔާތެއްގައި ފޮއްދޫ ޔޫތު ސެންޓަރު ތަރައްޤީކުރުމުގެ މަސައްކަތް ޙަވާލުކުރައްވާފައިވަނީ މެކްސަޓަރ މޯލްޑިވްސްއާއެވެ. މި މަސައްކަތުގެ އެއްބަސްވުމުގައި ކުޅިވަރާ ބެހޭ ވުޒާރާގެ ފަރާތުން ސޮއިކުރެއްވީ ޕާމަނަންޓް ސެކްރެޓަރީ ހުސެއިން ޝަރީފެވެ. އަދި މެކްސްޓަރ މޯލްޑިވިސްގެ ފަރާތުން ސޮއިކުރެއްވީ އެ ކުންފުނީގެ ލޮޖިސްޓިކް ސުޕަރވައިޒަރ އަބްދުﷲ އިބްރާހީމެވެ.
ފޮއްދޫ އައުޓްޑޯ ވޮލީކޯޓް ތަރައްޤީކުރުމުގެ މަސައްކަތް ޙަވާލުކުރައްވާފައިވަނީ މަސައްކަތް ފަށާތާ 55 ދުވަހުގެ ތެރޭގައި ނިންމާ ގޮތަށެވެ.
މި މަޝްރޫއަކީ ކުޅިވަރާ ބެހޭ ވުޒާރާގެ ބަޖެޓުން އެއްމިލިއަން ތިންލައްކަ ފަސްދޮޅަސް ފަސްހާސް ނުވަސަތޭކަ ސާލީސް ހަތަރު ރުފިޔާ އަށްޑިހަ ހަލާރި ހަރަދުކޮށްގެން ކުރިއަށްގެންދާ މަޝުރޫއެކެވެ.