ކުޑަކަމުދާނިޒާމުގައި އުފެދޭ ހިލަ، ލޭޒަރ ބޭނުންކޮށްގެން ނައްތާލުގެ ފަރުވާއާއެކު ޔޫރޯސާޖަރީގެ ޚިދުމަތް އޭޑީކޭ ހޮސްޕިޓަލުގައި މިއަދު ތަޢާރަފްކޮށްފިއެވެ.
އޭޑީކޭގައިމިޚިދުމަތް ތަޢާރަފްކުރ އެންމެ ފަހުގެ ޓެކްނޮލޮޖީތައް ބޭނުންކޮށްގެން ކަމަށް އެހޮސްޕިޓަލުން މަޢުލޫމާތުދެއެވެ. ސްޕަރ ސްޕެޝިލިސްޓް ފެންވަރުގައި މިފަރުވާ އޭޑީކޭގައި ދިނުމިގައި ޙަރަކާތްތެރިވެވަޑައިގަންނަވާ ނޭޕާލުގެ ތަޖްރިބާކާރު ޔޫރޯސާޖަންއެކެވެ.
ކުޑަކަމުދާނިޒާމުގައި އުފެދޭ ހިލަ ނައްތާލުމުގެ ފަރުވާއަކީ، ރާއްޖެއިން ބޭރަށް ގޮސްގެން ގިނަބަޔަކު ހޯދަމުން އަންނަ ފަރުވާއެކެވެ. ކުޑަކަމުދާ ނިޒާމުގެސާޖަރީތައް އާންމުކޮށް ކުރެވޭ ގޮތަކީ ބަލިމީހާއާ ގިނަ ވޭންތަކެއް އުފުލަންޖެހޭއަދި އެކަމުގައި އެހެން އުދަގޫތައްވެސް އެކުލެވޭ ގޮތްތަކެކެވެ. ކުޑަކަމުދާނިޒާމުގައި އުފެދޭ ހިލަ ލޭޒަރ ބޭނުންކޮށްގެން ނައްތާލުމަށް ދެވޭ މިފަރުވާއަކީ ބަލިމީހާގެއެއްވެސް ތަނެއް ކަފާލުމެއް ނެތި ބަލިމީހާއަށް އެންމެ އުނދަގޫ ކުޑަގޮތަށް ދެވޭފަރުވާއެއްކަމަށް އޭޑީކޭއިން މަޢުލޫމާތުދެއެވެ.
ކުޑަކަމުދާ ނިޒާމުގެ ސާޖަރީތައް އޭޑީކޭގައި ހަދަން ފެށުމަށްފަހު، ކުޑަކަމުދާ ނިޒާމުގައި އުފެދިފައިވާހިލަ ލޭޒަރ ބޭނުންކޮށްގެން ނައްތާލުމުގެ ސަރޖަރީއެއް މިހާރު ކާމިޔާބުކަމާއެކުއޭޑީކޭގައި ކޮށްފައިވާކަމަށް އޭޑީކޭއިން މަޢުލޫމާތުދެއެވެ.
އޭޑީކޭގައި މިފަރުވާ ދެމުންދާނޭޕާލުގެ ޔޫރޯ ސަރޖަން މީޑިޔާއަށް މަޢުލޫމާތު ދެއްވަމުން ވިދާޅުވީ ލޭޒަރބޭނުންކޮށްގެން ފަރުދާދިނުމުން އާންމުކޮށް އެކެއް ނުވަތަ ދެދުވަހެއްގެ ތެރޭގައިބަލިމީހާ ގެއަށް ދޫކޮށްލެވޭވަރުވާނެ ކަމަށެވެ. އޭޑީކޭއިން ބުނީ ކުޑަކަމުދާނިޒާމުގެ ބަލިތަކުގެ ސާޖަރީތައް ހެދުމަށް ޤާއިމުކޮށްފައިވާ ތިއޭޓަރަށް 5 މިލިޔަން ރުފިޔާޚަރަދުވެފައިވާ ކަމަށެވެ.