ފައިނޭޝިއަލް ފެއާޕްލޭ (އެފްއެފްޕީ) ޤަވާއިދާ ޚިލާފުވެފައިވާތީ، ޔޫރަޕުގެ މައި ފުޓްބޯޅަ އިދާރާ ޔުއެފާއިން މެންޗެސްޓާ ޔުނައިޓެޑާއި ބާސެލޯނާއަށް ފިޔަވަޅު އަޅައިފިއެވެ.
ޔުއެފާއިން ޔުނައިޓެޑް ޖޫރިމަނާކުރީ ކުރިން ސީޒަނުގެ ދަރަނިތައް ފޫބެއްދޭ ވަރަށް މި ފަހަރު އާމްދަނީ ހޯދިފައި ނުވާތީއެވެ. ޔުއެފާއިން ޔުނައިޓެޑް ޖޫރިމަނާ ކުރީ 335000 (ތިން ލައްކަ ތިރީސް ފަސްހާސް) ޑޮލަރުންނެވެ.
ޔުއެފާއިން ބާސެލޯނާއަށް ފިޔަވަޅު އަޅާފައިވަނީ ކުލަބްގެ މާލީ ލިޔެކިޔުންތަކުގައި ކުޅުންތެރިން ވިއްކައިގެންނާއި އެކިއެކި ޓްރާންސްފާ ފީތަކުން ލިބޭ ފައިސާ ކުލަބްގެ އެކައުންޓުގައި ހިމަނާފައިވާ ގޮތާއި ލިޔެކިޔުންތަކާ ފުށޫއަރާފައިވާތީއެވެ. އެ ކުލަބު ޖޫރިމަނާކުރީ 550000 (ފަސް ލައްކަ ފަންސާސް ހާސް) ޑޮލަރުންނެވެ.
ޔުއެފާގެ އެފްއެފްޕީ ގަވާއިދުގަވާ ގޮތުން ތިން އަހަރަށްވުރެ ދިގު މުއްދަތަކަށް އެއް ކުލަބެއްގެ ދަރަނި 30 މިލިއަން ޑޮލަރަށްވުރެ ބޮޑުވެގެން ނުވާނެއެވެ. މި ގަވާއިދަށް ނުފެތޭތީ ކޮންމެ އަހަރަކު ޔުއެފާ އިން ގިނަ ކްލަބްތަކަކަށް ފިޔަވަޅު އަޅައެވެ.
މި ފަހަރު ފިޔަވަޅު އެޅުމުންފަހު ވަގުތު ސަލާމަތްވި ކްލަބްތަކުގެ ތެރޭގައި އިންޓަ މިލާން، އޭސީ މިލާން، ޕީއެސްޖީ، މޮނާކޯ، ރޯމާ އަދި މާސޭ ހިމެނެއެވެ.