ސްޕެނިޝް ލީގުގެ ވިޔަރެއާލްއަށް ކުޅެމުންދިޔަ ސްޕެއިންގެ ޑިފެންޑަރ ޕައު ޓޯރޭސް އިނގިރޭސި ޕްރިމިއާ ލީގުގެ އެސްޓަންވިލާއަށް ސޮއިކޮށްފިއެވެ.
ވިލާއިން ޓޯރޭޒް އެޓީމަށް ގެންގޮސްފައިވަނީ 31.5 މިލިއަން ޕައުންޑްގެ އަގަކަށެވެ.
ޓޯރޭޒްވަނީ ވިލާގެ މިހާރުގެ ކޯޗް އުނާއި އެމްރީ ވިޔަރރެއާލްގެ ކޯޗަކަށް 2020 އިން 2023 އަށް ހުރިއިރު އޭނާގެ ދަށުން މަސައްކަތް ކޮށްފައެވެ. 2003 ވަނަ އަހަރު ވިޔަރެއާލްގެ ޔޫތު އެކަޑަމީއާއި ގުޅުނު ޓޯރޭޒްވަނީ މިދިޔަ ސީޒަންގައި އެޓީމް ލަލިގަގެ ފަސްވަނައަށް ގެންދިއުމުގައި މުހިންމު ދައުރެއް އަދާކޮށްފައެވެ. އޭނާވަނީ ވިޔަރެއާލްއަށް 173 މެޗް މިހާތަނަށް ކުޅެދީ 12 ލަނޑު ޖަހާދީފައެވެ. އަދި ސްޕެއިން ޤައުމީ ޓީމަށް 23 ފަހަރު ކުޅެފައިވެއެވެ.
ޓޯރޭޒް ވިޔަރެއާލްއަށް ކުޅެން ފަށާފައިވަނީ 2016 ވަނަ އަހަރުއެވެ. އަދި ވަރަށް އަވަހަށް އޭނާވަނީ އެކްލަބްގެ މުހިންމު ކުޅުންތެރިްގެ ލިސްޓަށް އަރާފައެވެ. އޭނާވަނީ އެމްރިގެ ކޯޗް ކަމުގެ ދަށުން 2021 ވަނަ އަހަރު ވިޔަރެއާލް ޔުރޮޕާ ލިގުގެ ތަށި ނެގިއިރުވެސް މުހިންމު ދައުރެއް އަދާކޮށްފައެވެ.
މިއީ އާ ސީޒަން ވިލާއިން ސޮއިކުރި ދެވަނަ ކުޅުންތެރިޔާއެވެ. މީގެކުރިން އެޓީމުންވަނީ ބެލްޖިއަމްގެ ޔޫރީ ޓިއެލެމަން އެޓީމަށް ގެންގޮސްފައެވެ. ވިލާއިން މިދިޔަ ސީޒަން ނިންމާލީ ޕްރިމިއަރ ލީގުގެ ހަތް ވަނައިގާ އޮވެގެންނެވެ.